চলিত মাহতে বজাৰলৈ এইসমূহ স্মাৰ্টফোনঃ নতুন স্মাৰ্টফোন ক্ৰয়ৰ ইচ্ছা আছে যদি চাওক…

নতুন বছৰৰ আৰম্ভণিৰ লগে লগে সকলোৰে বাঢ়িছে প্ৰত্যাশা। ইয়াৰ সমান্তৰালকৈ নতুন বৰ্ষত নতুন সম্পদ ক্ৰয়ৰ বাবেও বহু লোকে হয়তো পৰিকল্পনা কৰে। সাম্প্ৰতিক সময়ত স্মাৰ্টফোন মানুহৰ জীৱনৰ সহচৰ স্বৰূপ হৈ পৰিছে। মানুহৰ চাহিদা অনুসাৰে সেয়ে মোবাইল নিৰ্মাতা কোম্পানীসমূহেও অত্যাধুনিক প্ৰযুক্তি সম্বলিত স্মাৰ্টফোন বজাৰত মুকলি কৰিছে। যদি আপুনিও এই নতুন বৰ্ষত এটা নতুন স্মাৰ্টফোন ক্ৰয় কৰিব বিচাৰিছে, তেতিয়াহ’লে এই লেখা আপোনাৰ বাবে যথেষ্ট প্ৰয়োজনীয় বিবেচিত হ’ব।

বহুকেইটা মোবাইল নিৰ্মাতা কোম্পানীয়ে চলিত মাহতে অত্যাধুনিক সুবিধা উপলব্ধ থকা কেইটামান স্মাৰ্টফোন বজাৰত মুকলি কৰিব। এই স্মাৰ্টফোনসমূহত উন্নত সুবিধাৰ কৃত্ৰিম বুদ্ধিমত্তা অৰ্থাৎ AI ব্যৱস্থা উপলব্ধ হ’ব। চলিত মাহত মুকলি হ’বলগীয়া এই স্মাৰ্টফোনসমূহৰ বিষয়ে চাওঁ আহক-

Samsung Galaxy S25

জানুৱাৰী মাহত চেমচাঙে গেলেক্সি ছিৰিজৰ S25 মুকলি কৰাৰ প্ৰস্তুতি চলাইছে। অহা ২২ জানুৱাৰীত চেমচাঙে মুকলি কৰিব এই নতুন স্মাৰ্টফোনটো। এই ছিৰিজৰ তিনিটা মডেল মুকলি কৰা হ’ব- গেলাক্সি এছ ২৫, Galaxy S25 Plus আৰু Galaxy S25 Ultra। এইবাৰ চেমচাঙে স্নেপড্ৰেগন ৮ এলিট প্ৰচেছৰৰ সৈতে এই স্মাৰ্টফোনত গেলেক্সি AI ফিচাৰ সংযোজন কৰিব।

One Plus 13

বজাৰত ক্ৰমাগতভাৱে বৃদ্ধি পাইছে ৱান প্লাছৰ চাহিদা। এনে পৰিস্থিতিত আকৌ এবাৰ ৱান প্লাছে ৱানপ্লাছ ১৩ ছিৰিজৰ জৰিয়তে বজাৰত নামিব। ইয়াত দুটা মডেল অন্তৰ্ভুক্ত কৰা হৈছে- ৱানপ্লাছ ১৩, দ্বিতীয় ৱানপ্লাছ ১৩আৰ। স্নেপড্ৰেগন ৮ এলিট প্ৰচেছৰৰ সুবিধা উপলব্ধ এই স্মাৰ্টফোনটোৰ ভাৰতীয় বজাৰত দাম ৱানপ্লাছ ১৩ৰ ক্ষেত্ৰত ৬৭ হাজাৰৰ পৰা ৭০ হাজাৰ টকাৰ ভিতৰত হ’ব পাৰে।

OPPO Reno 13 5G

নতুন বছৰত এক নতুন স্মাৰ্টফোন মুকলি কৰাৰ বাবে সাজু হৈছে অ’প’ই। OPPO Reno 13 5G আৰু 13 Pro 5G মুকলি কৰা হ’ব বজাৰত। প্ৰতিবেদন অনুসৰি চলিত মাহতে এই স্মাৰ্টফোনটো মুকলি কৰা হ’ব।

Realme 14 Pro

চলিত মাহতে বজাৰত Realme-য়েও মুকলি কৰিব এটা নতুন স্মাৰ্টফোন। কোম্পানীটোৱে গ্ৰাহকৰ মাজৰ আনিবলৈ সাজু হৈছে নতুন মডেল Realme 14 Pro মডেল।

Poco X7

৯ জানুৱাৰীত মুকলি কৰা হ’ব Poco X7 series। এই নতুন মোবাইলটো Poco X7 আৰু Poco X7 Pro এই দুটা মডেলত উপলব্ধ হ’ব।