ভাৰতীয় সেনাই ক্ৰয় কৰিব প্ৰায় ৩০০০ ফ’ৰ্চ গুৰ্খা বাহন, কিয় বিশেষ এই বাহনখন?

ভাৰতীয় প্ৰতিৰক্ষা বাহিনীৰ চকুৰ মণি হৈ পৰিছে এখন নতুন বাহন । অফ-ৰোডিং ক্ষমতা সফলতাৰে প্ৰদৰ্শন কৰিছে এচিইউভি ফ’ৰ্চ গুৰ্খাই । এই বাহনখনৰ কাৰ্যক্ষমতা দেখাৰ পিছত প্ৰতিৰক্ষা বাহিনীয়ে নিজৰ শক্তি বৃদ্ধিৰ বাবে বিশেষ বাহনখনক অন্তৰ্ভুক্ত কৰাৰ সিদ্ধান্ত লয় । ২,৯৭৮খন গুৰ্খা বাহনৰ অৰ্ডাৰ দিয়া হৈছে । কোম্পানীটোৱে কয় যে ভাৰতীয় সেনা আৰু ভাৰতীয় বায়ুসেনা উভয়ৰে বহৰত ইয়াক অন্তৰ্ভুক্ত কৰিব পৰা যাব ।

প্ৰসংগক্ৰমে ফ’ৰ্চ মটৰ্ছে গুৰ্খা এল এছ ভি (লাইট ষ্ট্ৰাইক ভেহিকেল)ৰ জৰিয়তে বহু বছৰ ধৰি প্ৰতিৰক্ষা খণ্ডলৈ সেৱা আগবঢ়াই আহিছে । অফ-ৰোড ব্যৱহাৰৰ ওপৰত গুৰুত্ব আৰোপ কৰি বিশেষভাৱে ডিজাইন কৰা হৈছে ফ’ৰ্চ গুৰ্খা । ইয়াৰ গ্ৰাউণ্ড ক্লিয়াৰেন্স ভাল, দ পানীতো গাড়ীখন চলাব পাৰে, আৰু অফ-ৰোড ড্ৰাইভিঙৰ বাবে শক্তিশালী ৪×৪ ড্ৰাইভট্ৰেইন আছে । এই এছ ইউ ভিখন মৰুভূমিৰ পৰা পাহাৰলৈকে যিকোনো ধৰণৰ অঞ্চলত চলিব পাৰে ।

ফ’ৰ্চ গুৰ্খা দুটা ব’ডী মডেলত উপলব্ধ, প্ৰথমটো ৩ খন দুৱাৰৰ আৰু দ্বিতীয়টো ৫ খন দুৱাৰৰ মডেল । দুয়োটা মডেলতে ২.৬ লিটাৰৰ টাৰ্বোচাৰ্জড আন্তঃশীতল ডিজেল ইঞ্জিন উপলব্ধ । এই ইঞ্জিনৰ সৰ্বোচ্চ শক্তি ১৩৮ বি এইচ পি আৰু সৰ্বোচ্চ ৩২০ এন এম টৰ্ক উৎপন্ন কৰে । দুয়োটা মডেলতে ৫ স্পীড মেনুৱেল গিয়াৰবক্স আৰু ৪×৪ ক্ষমতা আছে । ইয়াত উৎকৃষ্ট অফ-ৰোডিঙৰ বাবে সন্মুখ আৰু পিছফালে লক ডিফাৰেন্সিয়েল আছে ।

ফ’ৰ্চ গুৰ্খাত আছে ১৮ ইঞ্চিৰ এলয় হুইল, ৭ ইঞ্চিৰ এল ই ডি ডিজিটেল ইনষ্ট্ৰুমেণ্ট কনছ’ল আৰু ৯ ইঞ্চিৰ টাচস্ক্ৰীণ ইনফ’টেইনমেণ্ট চিষ্টেম আছে । যিয়ে নতুন মডেলটোক শক্তিশালী আৰু আৰামদায়ক কৰি তুলিছে । ২০২৪ চনৰ আপডেটৰ সৈতে 4WD শ্বিফ্টাৰটো মেনুৱেল লিভাৰৰ পৰা সলনি কৰি সন্মুখৰ আসনৰ মাজত শ্বিফ্ট-অন-দ্য-ফ্লাই ৰ’টাৰ নব দিয়া হৈছিল ।

৫ খন দুৱাৰৰ মডেলৰ গুৰ্খাৰ দাম ১৮ লাখ টকাৰ পৰা আৰম্ভ হয়, এয়া এক্স-শ্ব’ৰুম প্ৰাইচ । এই এছ ইউ ভিখনে প্ৰতি ঘণ্টাত ৯.৫ কিলোমিটাৰ মাইলেজৰ সুবিধা প্ৰদান কৰে ।