মালাইকা অৰোৰা

মালাইকা অৰোৰা এগৰাকী ভাৰতীয় অভিনেত্ৰী, নৃত্যশিল্পী, মডেল, ভিজে যাক হিন্দী ভাষাৰ চলচ্চিত্ৰত দেখা যায়। তেওঁ ২০০৮ চনত প্ৰাক্তন স্বামী আৰবাজ খানৰ সৈতে চলচ্চিত্ৰ প্ৰযোজক হিচাপে আত্মপ্ৰকাশ কৰে, দাবাং চলচ্চিত্ৰ শৃংখলা সৃষ্টি কৰা আৰবাজ খান প্ৰডাকচনছ নামৰ কোম্পানীটো প্ৰতিষ্ঠা কৰে। এগৰাকী অভিনেত্ৰী হিচাপে, অৰোৰাই কাণ্টে (২০০২) আৰু ইএমআই (২০০৮) চলচ্চিত্ৰত মুখ্য চৰিত্ৰত অভিনয় কৰিছে।
মালাইকা অৰোৰাৰ জন্ম মহাৰাষ্ট্ৰৰ থানেত হৈছিল। তেওঁৰ মাক-দেউতাকৰ ১১ বছৰ বয়সত বিবাহ বিচ্ছেদ হৈছিল আৰু তেওঁ নিজৰ মাক আৰু ভগ্নী অমৃতাৰ সৈতে চেম্বুৰলৈ গুচি গৈছিল। মালাইকাৰ মাক জয়েছ পলিকাৰ্প এগৰাকী মালায়ালী আৰু তেওঁৰ দেউতাক অনিল অৰোৰা ভাৰতীয় সীমান্ত চহৰ ফাজিলকাৰ এগৰাকী স্থানীয় পাঞ্জাৱী। মালাইকাৰ পিতৃয়ে ভাৰতীয় মাৰ্চেণ্ট নেভিত কাম কৰিছিল।

মালাইকাই ১৯৯৮ চনত বলীউডৰ অভিনেতা-পৰিচালক-প্ৰযোজক আৰবাজ খানৰ সৈতে বিবাহপাশত আৱদ্ধ হৈছিল যাক তেওঁ কফি বিজ্ঞাপনৰ দৃশ্যগ্ৰহণৰ সময়ত লগ পাইছিল। আৰবাজৰ সৈতে বিবাহ-বিচ্ছেদ নোহোৱালৈকে, তেওঁক মালাইকা অৰোৰা খান বুলি জনা গৈছিল। ২৮ মাৰ্চ ২০১৬ তাৰিখে, তেওঁলোকে সামঞ্জস্যৰ সমস্যাৰ কথা উল্লেখ কৰি পৃথকীকৰণৰ ঘোষণা কৰিছিল। দম্পতীহালে ২০১৭ চনৰ ১১ মে’ত আনুষ্ঠানিকভাৱে বিবাহ বিচ্ছেদ হৈছিল। তেওঁলোকৰ এজন পুত্ৰ আছে,যাৰ নাম অৰহান খান,বিবাহ বিচ্ছেদৰ পিছত পুত্ৰৰ জিম্মা মালাইকাৰ ওচৰত আছে। উল্লেখ্য যে, মালাইকা ২০১৬ চনৰ পৰা অভিনেতা অৰ্জুন কাপুৰৰ সৈতে সম্পৰ্কত আছে।