পীযুষ হাজৰিকা (Pijush Hazarika)

পীযুষ হাজৰিকা অসম প্ৰদেশৰ ভাৰতীয় জনতা পাৰ্টিৰ এজন ৰাজনীতিবিদ তথা অসম চৰকাৰৰ মন্ত্ৰী। পীযুষ হাজৰিকাৰ জন্ম অসমৰ নগাঁও জিলাত অৱস্থিত ৰহাত। তেওঁ স্বৰ্গীয় শিশুৰাম হাজৰিকা আৰু প্ৰমীলা হাজৰিকাৰ পুত্ৰ । হাজৰিকাই গুৱাহাটীৰ আৰ্য বিদ্যাপীঠ মহাবিদ্যালয়ৰ পৰা কলা শাখাত স্নাতক ডিগ্ৰীসম্পন্ন কৰে ।

১৯৯৭ চনত ভাৰতীয় ৰাষ্ট্ৰীয় ছাত্ৰ সন্থাত (এনএছইউআই) যোগদান কৰিছিল আৰু পিছলৈ অসম প্ৰদেশ যুৱ কংগ্ৰেছৰ সভাপতি হয়। পৰৱৰ্তী কালত ২০১১ চনৰ অসম বিধানসভা নিৰ্বাচনত নগাঁও জিলাৰ ৰহা বিধানসভা সমষ্টিৰ পৰা কংগ্ৰেছৰ সমৰ্থিত প্ৰাৰ্থী ৰূপে বিধায়ক নিৰ্বাচিত হয় । ২০১৫ তাৰিখে বৰ্তমানৰ মুখ্যমন্ত্ৰী হিমন্ত বিশ্ব শৰ্মাৰ পদাংক অনুসৰণ কৰি ভাৰতীয় জনতা পাৰ্টিত আনুষ্ঠানিকভাৱে যোগদান কৰে। পীযুষ হাজৰিকাই জাগীৰোড সমষ্টিৰ পৰা ২০১৬ চনৰ বিধানসভা নিৰ্বাচনত যুঁজিবলৈ বিজেপিৰ টিকট লাভ কৰিবলৈ সক্ষম হয় আৰু নিৰ্বাচনত জয়ী হয় । সৰ্বানন্দ সোণোৱাল নেতৃত্বাধীন মন্ত্ৰীসভাত স্থান লাভ কৰিবলৈ সক্ষম হয় । ২০২১ বৰ্ষত হিমন্ত বিশ্ব শৰ্মাৰ নেতৃত্বত গঠন হোৱা বিজেপি চৰকাৰৰ মন্ত্ৰীসভাত তেওঁ জল সম্পদ, তথ্য আৰু জনসম্পৰ্ক,সংসদীয় পৰিক্ৰমা দপ্তৰৰ দ্বায়িত্ব লাভ কৰে ।

পীযুষ হাজৰিকাই ২০১১ চনৰ ১ অক্টোবৰত আইমী বৰুৱাইৰ সৈতে বিবাহপাশত আবদ্ধ হয়। এতিয়া তেওঁলোকৰ দুটা সন্তান আছে।