চলমান খান

চলমান খান এজন জনপ্ৰিয় ভাৰতীয় অভিনেতা, প্ৰযোজক তথা টেলিভিচন ব্যক্তিত্ব। তেওঁ বৰ্তমানলৈকে কেইবাখনো বোলছবিত মুখ্য ভূমিকাত অভিনয় কৰিছে। চলমানৰ পিতৃৰ নাম আব্দুল ৰচিদ চেলিম চলমান খান আৰু মাতৃৰ নাম চালমা খান। ত্ৰিশ বছৰতকৈও অধিক সময়ধৰি চলি থকা চলচ্চিত্ৰ কেৰিয়াৰত খানে অসংখ্য বঁটা লাভ কৰিছে, যাৰ ভিতৰত আছে চলচ্চিত্ৰ প্ৰযোজক হিচাপে দুটা ৰাষ্ট্ৰীয় চলচ্চিত্ৰ বঁটা, আৰু অভিনয়ৰ বাবে দুটা ফিল্মফেয়াৰ বঁটা। তেওঁক সংবাদ মাধ্যমত ভাৰতীয় চলচ্চিত্ৰৰ আটাইতকৈ ব্যৱসায়িকভাৱে সফল অভিনেতা হিচাপে উল্লেখ কৰা হয়। ফৰ্বছে তেওঁক তেওঁলোকৰ ২০১৫ চনৰ বিশ্বৰ সৰ্বোচ্চ মাননি লাভ কৰা ১০০ চেলিব্ৰিটি এণ্টাৰটেইনাৰৰ তালিকাত অন্তৰ্ভুক্ত কৰিছিল।তেওঁ ২০১০ চনৰ পৰা ৰিয়েলিটি শ্ব’ বিগ বছৰ সঞ্চালক হিচাপেও পৰিচিত। চিত্ৰনাট্যকাৰ চেলিম খানৰ জ্যেষ্ঠ পুত্ৰ খানে বিৱি হো তো আইচি (১৯৮৮)ত সহায়ক চৰিত্ৰৰ জৰিয়তে অভিনয় জীৱন আৰম্ভ কৰে, তাৰ পিছত মেইনে পিয়াৰ কিয়া (১৯৮৯)ত মুখ্য চৰিত্ৰত অভিনয় কৰে। খানে ১৯৯০ ৰ দশকত বলীউডত কেইবাটাও প্ৰযোজনাত অভিনয় অব্যাহত ৰাখিছিল, যাৰ ভিতৰত আছে ৰোমাণ্টিক ড্ৰামা হাম আপকে হে কৌন…! (১৯৯৪), একচন কমেডি আন্দাজ আপনা আপনা (১৯৯৪), একচন থ্ৰিলাৰ কৰণ অৰ্জুন (১৯৯৫), কমেডি বিৱি নং ১ (১৯৯৯) ৰ দৰে সফল একচন ছবিত মুখ্য চৰিত্ৰত অভিনয় কৰি অধিক ষ্টাৰডম অৰ্জন কৰে।

২০১৫ চনত তেওঁক এক অৱহেলামূলক ড্ৰাইভিং গোচৰৰ বাবে দোষী সাব্যস্ত কৰা হৈছিল য’ত তেওঁ গাড়ীৰে পাঁচজনলোকৰ ওপৰেৰে মহতিয়াই নিছিল য’ত এজন লোক নিহত হৈছিল, কিন্তু তেওঁৰ শাস্তি আপীল কৰাৰ পিছত একাষৰীয়া কৰি ৰখা হৈছে। ২০১৮ চনৰ ৫ এপ্ৰিলত খানক হৰিণৰ চোৰাং চিকাৰৰ গোচৰত দোষী সাব্যস্ত কৰা হয় আৰু পাঁচ বছৰৰ কাৰাদণ্ড দিয়া হয়। চলমান খানৰ কেতিয়াও বিয়া হোৱা নাই। তেওঁৰ সম্পৰ্কবোৰ সংবাদ মাধ্যম আৰু তেওঁৰ অনুৰাগীসকলৰ বাবে গভীৰ চৰ্চাৰ বিষয়।