US Tariff: কোনখন দেশৰ ওপৰত কিমান শুল্ক আৰোপ কৰিছে ট্ৰাম্পে?
US Imposed Tariffs on India: ভাৰত আৰু চীনৰ প্ৰতি কিছু নমনীয়তা দেখুৱাইছে ৰাষ্ট্ৰপতি ট্ৰাম্পে। ট্ৰাম্পে কয় যে, এই শুল্ক দুয়োখন দেশে আমেৰিকাৰ পৰা লোৱা শুল্কৰ আধা।
আমেৰিকাৰ ৰাষ্ট্ৰপতি ড’নাল্ড ট্ৰাম্পে সকলো দেশৰ ওপৰত শুল্ক আৰোপ কৰিছে। এই ক্ষেত্ৰত ভাৰতো বাদ পৰা নাই। প্ৰধানমন্ত্ৰী মোদীৰ সৈতে বন্ধুত্বৰ কথা উল্লেখ কৰি ট্ৰাম্পে ভাৰতৰ ওপৰত ২৬ শতাংশ শুল্ক ঘোষণা কৰে ৷
ইয়াৰ পূৰ্বে তেওঁ ঘোষণা কৰিছিল যে, ২ এপ্ৰিলত শুল্কৰ হাৰ হ্ৰাস কৰা হ’ব। আমেৰিকাৰ ৰাষ্ট্ৰপতিয়ে প্ৰতিশ্ৰুতি অনুসৰি শুল্ক ঘোষণা কৰিছিল। এখন বৃহৎ ব’ৰ্ডত তেওঁ দেখুৱাইছে কোনবোৰ দেশৰ ওপৰত কিমান শতাংশ শুল্ক আৰোপ কৰা হৈছে। নূন্যতম ১০ শতাংশলৈ শুল্ক আৰোপ কৰা হৈছে। সৰ্বোচ্চ শুল্ক ৪৯ শতাংশ, যিটো ট্ৰাম্পে কম্বোডিয়াৰ ওপৰত আৰোপ কৰিছে। ৯ এপ্ৰিলৰ পৰা কাৰ্যকৰী হ’ব এই নতুন শুল্ক।
ভাৰত আৰু চীনৰ প্ৰতি কিছু নমনীয়তা দেখুৱাইছে ৰাষ্ট্ৰপতি ট্ৰাম্পে। ট্ৰাম্পে কয় যে, এই শুল্ক দুয়োখন দেশে আমেৰিকাৰ পৰা লোৱা শুল্কৰ আধা। এতিয়াৰে পৰা ভাৰতীয় সামগ্ৰীৰ ওপৰত ২৬ শতাংশ আমদানি শুল্ক পৰিশোধ কৰিব লাগিব। চীনৰ সামগ্ৰীৰ ওপৰত ৩৪ শতাংশ আমদানি শুল্ক আৰোপ কৰিছে আমেৰিকাই।
