‘ইমান অলপতে বিচলিত হ’লে তোমাৰ বাৰু কেনেকৈ চলে’, এইদৰেই যেন ক’লে হাৰ্দিকে
সময়ৰ জোখাৰে মাত্ৰ এটা বছৰ। সলনি হৈছে পৰিস্থিতি! কিন্তু কিমান? আজি পোৱা গৈছে ইয়াৰ আভাস। এইবাৰ আহমেদাবাদৰ গেলেৰীৰ পৰা বিদ্ৰুপ নহয়, মুখৰিত হৈছে প্ৰশংসা বাণীৰে! শুনা গৈছে হাৰ্দিক পাণ্ডিয়াৰ নামত অনুৰাগীৰ মৰমৰ আটাহ।
সময়ৰ জোখাৰে মাত্ৰ এটা বছৰ। সলনি হৈছে পৰিস্থিতি! কিন্তু কিমান? আজি পোৱা গৈছে ইয়াৰ আভাস। এইবাৰ আহমেদাবাদৰ গেলেৰীৰ পৰা বিদ্ৰুপ নহয়, মুখৰিত হৈছে প্ৰশংসা বাণীৰে! শুনা গৈছে হাৰ্দিক পাণ্ডিয়াৰ নামত অনুৰাগীৰ মৰমৰ আটাহ। প্ৰথম মেচৰ পৰা বাদ পৰাৰ পিছত আজি মুম্বাই ইণ্ডিয়ানছৰ অধিনায়ক ৰূপে খেলপথাৰত নামিছে হাৰ্দিক। মুম্বাইৰ অধিনায়কতকৈও আজি তেওঁৰ প্ৰথম চিনাকি হ’ব ‘ঘৰৰ ল’ৰা’ ৰূপে, কিয়নো হাৰ্দিকৰ ঘৰুৱা খেলপথাৰত অনুষ্ঠিত হৈছে আজিৰ এই মেচখন।
এটা সময়ত মুম্বাইৰ ৱাংখেড়ে ষ্টেডিয়ামত যিদৰে উপহাসৰ বলি হৈছিল, গৃহ চহৰ আহমেদাবাদৰ গেলেৰীৰ পৰাও অনুৰূপ ধৰণেই বিভিন্ন ধৰণৰ উপহাসৰ সন্মুখীন হৈছিল হাৰ্দিক। আনকি চৰম উপহাসেৰে তেওঁক ‘চাপৰি’ বুলিও ক’বলৈ লৈছিল অনুৰাগীয়ে। পিছে সময় সদায় একেই নাথাকে। হাৰ্দিকৰ ক্ষেত্ৰতো দেখা গ’ল সময়ৰ এই খেল। টি-২০ বিশ্বকাপ, চেম্পিয়নছ ট্ৰফীত নিজৰ প্ৰদৰ্শনেৰে হাৰ্দিক হৈ পৰিল ভাৰতৰ সফলতাৰ অন্যতম নায়ক।
