পিতৃৰ সম্পত্তিৰ ওপৰত কন্যাৰ কিমান অধিকাৰ থাকে?

পূৰ্বে বিশ্বাস কৰা হৈছিল যে বিয়াৰ পিছত এগৰাকী ছোৱালী স্বামীৰ পৰিয়ালৰ সদস্য হৈ পৰে। গতিকে দেউতাকৰ ঘৰৰ সম্পত্তিত তেওঁৰ কোনো অধিকাৰ নাথাকে। সেই আইনখন ২০০৫ চনত সংশোধন কৰা হৈছিল। তাৰ পিছত ছোৱালীক পূৰ্বপুৰুষৰ সম্পত্তিত সম্পূৰ্ণ অধিকাৰ দিয়া হয়।

যদি সেই সম্পত্তি পৰিয়ালৰ হয় আৰু তাত পিতৃৰ সহ-স্বত্বাধিকাৰী থাকে তেন্তে তাৰ ওপৰত কন্যাৰো অধিকাৰ থাকিব । যদি পিতৃৰ নিজৰ উপাৰ্জনৰ পৰা আহৰণ কৰা সম্পত্তি হয় আৰু তেওঁ উইল কৰা নাই তেন্তে সেই সম্পত্তিৰ ওপৰত কন্যাৰ সমান অধিকাৰ থাকিব । এই ক্ষেত্ৰত স্থাৱৰ সম্পত্তি (যেনে – মাটি, ঘৰ ইত্যাদি) আৰু অস্থাৱৰ সম্পত্তি (যেনে – বেংকৰ বেলেঞ্চ, বিনিয়োগ ইত্যাদি)ৰ দুয়ো প্ৰকাৰৰ সম্পত্তিত কন্যাৰ সমান অধিকাৰ থাকিব ।