OYO: পূৰ্বৰ ৰেকৰ্ড ভাঙি OYO ই গঢ়িছে নতুন ৰেকৰ্ড !
কোম্পানীটোৰ ৰাজহ ২৭৫ কোটি টকা বৃদ্ধি পাইছে। ইয়াৰ পূৰ্বে ৰাজহ আছিল ১৮৮৬ কোটি টকা। মুঠতে ৪২ শতাংশ ৰাজহ বৃদ্ধি পাইছে। ২০২৪ চনত ব্লেকষ্টোনৰ সৈতে চুক্তিবদ্ধ হয় OYO, যাৰ G6 হস্পিটালিটিৰ মালিক।
চতুৰ্থ ত্ৰৈমাসিকত OYO ই বৃহৎ লাভৰ মুখ দেখিছে। প্ৰতিবেদন অনুসৰি কোম্পানীটোৱে আশা কৰিছে যে ২০২৫ চনৰ জানুৱাৰী-মাৰ্চ ত্ৰৈমাসিকত ইয়াৰ ৰাজহ ৬০ শতাংশতকৈ অধিক বৃদ্ধি পাই ২১০০ কোটি টকা হ’ব। এই তথ্য কোম্পানীটোৰ প্ৰতিষ্ঠাপক তথা মুখ্য কাৰ্যবাহী বিষয়া ৰিতেশ আগৰৱালাই সোমবাৰে কোম্পানীটোৰ শীৰ্ষ নেতৃত্বলৈ ই-মেইলযোগে প্ৰেৰণ কৰিছে।
মুখ্য কাৰ্যবাহী বিষয়াগৰাকীয়ে কয় যে, “২০২৪-২৫ বিত্তীয় বৰ্ষৰ চতুৰ্থ ত্ৰৈমাসিকত ৬০ শতাংশতকৈ অধিক ৰাজহ বৃদ্ধি হোৱাৰ সম্ভাৱনা আছে, যিটো ২১০০ কোটি টকাৰো অধিক হ’ব। এয়া সংগঠনটোৰ বাবে এক গুৰুত্বপূৰ্ণ মাইলৰ খুঁটি হ’ব।”
