Assam News: পলকতে চাওক আজিৰ দিনটোৰ বহুকেইটা গুৰুত্বপূৰ্ণ খবৰ
কেন্দ্ৰীয় গ্ৰামোন্নয়ন মন্ত্ৰী শিৱৰাজ সিং চৌহানে শেহতীয়াকৈ অসম ভ্ৰমণৰ সময়ত ঘোষণা কৰে যে ৰাজ্যৰ ৭.৬ লাখ লোকে পিএমএৱাই-জিৰ অধীনত উপকৃত হ’ব আৰু কামৰূপ চহৰৰ পলাসবাৰীত ১৯ মাৰ্চত প্ৰথম কিস্তি প্ৰদান কাৰ্য আৰম্ভ হ’ব ।
বৃহস্পতিবাৰে মুখ্যমন্ত্ৰী হিমন্ত বিশ্ব শৰ্মাই কয় যে প্ৰধানমন্ত্ৰী আৱাস যোজনা-গ্ৰামীণৰ অধীনত গৃহ আবণ্টনৰ ক্ষেত্ৰত হিতাধিকাৰীক জিঅ’ টেগিং কৰাৰ বাবে অসম চৰকাৰে আত্মসহায়ক গোটৰ মহিলাক জড়িত কৰিব । সংবাদমেলত মুখ্যমন্ত্ৰী শৰ্মাই কয়, ‘‘কেঁচা ঘৰৰ স্থান জিঅ’-টেগিংৰ কামত ‘জীৱিকা সখী’ক জড়িত কৰা অসমখন দেশৰ প্ৰথমখন ৰাজ্য হ’ব । তাৰ পিছত সঠিক স্ক্ৰীনিঙৰ বাবে তথ্য আপলোড কৰা হ’ব, যাতে সঠিক হিতাধিকাৰীক ঘৰ আবণ্টন দিয়াটো নিশ্চিত কৰা হয় ।’’
পঞ্চায়ত আৰু গ্ৰামোন্নয়ন বিভাগে প্ৰথম অৱস্থাত জিঅ’ টেগিং নকৰে বুলি স্পষ্ট কৰি দিয়ে মুখ্যমন্ত্ৰী হিমন্ত বিশ্ব শৰ্মাই । বৰঞ্চ চুবুৰীয়া গাঁৱৰ জীৱিকা সাখীসকলে একেখন গাঁৱৰ পৰিৱৰ্তে এই প্ৰক্ৰিয়াৰ বাবে দায়বদ্ধ হ’ব বুলিও তেওঁ লগতে কয় । ইয়াৰ উপৰিও ব্যক্তিসকলে ফটো এখন তুলি নিজৰ ঠিকনা যোগ কৰি পঞ্চায়ত আৰু গ্ৰামোন্নয়ন বিভাগৰ এজন কৰ্মচাৰীৰ চূড়ান্ত পৰীক্ষণৰ বাবে জমা দি নিজৰ ঘৰত ছেল্ফ জিঅ’ টেগ কৰিব পাৰে বুলিও তেওঁ লগতে কয় । লগতে চাওক আজিৰ দিনটোৰ দেশ-বিদেশৰ বহুকেইটা গুৰুত্বপূৰ্ণ খবৰ।
