আজি দিনটোৰ গুৰুত্বপূৰ্ণ খবৰসমূহ চাওক পলকতে
ঘোষণা হ'ল অসমৰ পঞ্চায়ত নিৰ্বাচনৰ দিন। দুটা পৰ্যায়ত অনুষ্ঠিত হ'ব এই নিৰ্বাচন। প্ৰথম পৰ্যায়ৰ নিৰ্বাচন বৰাক আৰু উজনি অসমত হোৱাৰ বিপৰীতে দ্বিতীয়তে পৰ্যায়ৰ নিৰ্বাচন নামনি অসমত হ'ব।
ৰাজ্যৰ চৰকাৰী কৰ্মচাৰীসকলৰ বাবে এক বেয়া খবৰ। কিয়নো ৰাজ্যিক কৰ্মচাৰীৰ সকলো ছুটী সাময়িকভাৱে বাতিল কৰা হৈছে। ৰাজ্যত অনুষ্ঠিত হ’বলগীয়া পঞ্চায়ত নিৰ্বাচনৰ বাবে বাতিল কৰা হৈছে ছুটী।
নিৰ্বাচনৰ ভোট দানৰ বাবে ভোটাৰ কাৰ্ডৰ বাহিৰে ভোটাৰে উল্লেখিত যিকোনো এখন পৰিচয় পত্ৰ লগত নিব লাগিব। সেয়া হ’ল- আধাৰ কাৰ্ড, এম এন ৰেগা জব কাৰ্ড, বেংক-ডাকঘৰৰ পাচবুক, শ্রম মন্ত্রণালয়ৰ স্বাস্থ্য বীমা স্মার্ট কার্ড, ড্ৰাইভিং লাইচেন্স, পেন কাৰ্ড, এনপিআৰৰ অধীনৰ RGIএ জাৰি কৰা স্মার্ট কার্ড,ভাৰতীয় পাছপৰ্ট,ফটোযুক্ত পেঞ্চন নথি,চৰকাৰী কৰ্মচাৰীৰ পৰিচয় পত্র,দিব্যাংগসকলৰ ইউডিআইডি কার্ড।
