বহু দলে কৰিছিল বিমুখ, মুম্বাইত সুযোগ পায়েই জিলিকিল এইগৰাকী যুৱ ক্ৰিকেটাৰ

মাত্ৰ ৩০ টকাই সমতলৰ পৰা এভাৰেষ্ট শিখৰলৈ লৈ গৈছে এইজন খেলুৱৈক । এনে এক সময় আছিল, অ’টোত যাবলৈ ধাৰ ল’ব লগীয়া হৈছিল ৩০ টকা । তেওঁ আজি ৩০ লাখ টকাৰ গৰাকী । যাৰ প্ৰদৰ্শনৰ গ্ৰাফে শ্বেয়াৰ মাৰ্কেটৰ গ্ৰাফকো চেৰ পেলাব ।

কিছুদিন পূৰ্বলৈকে তেওঁ এনে এক নিশাৰ বাবে হাহাকাৰ কৰি দুৱাৰে দুৱাৰে ঘূৰি ফুৰিছিল । পঞ্জাৱ ঘূৰাই পঠাইছিল । কলকাতাই দায়িত্ব ল’ব বিচৰা নাছিল । ৰাজস্থানেও কৰিলে বিমুখ । শেষত বাণিজ্যিক চহৰে তেওঁক মুকলি আকাশৰ তলত দুহাত মেলি আদৰিলে । মুম্বাই হৈছে সপোনৰ চহৰ । তাতেই অশ্বিনী কুমাৰৰ সপোন বাস্তৱায়িত হ’ল । বিপক্ষত কেকেআৰক দেখাৰ পিছতেই যেন বাঢ়িছিল জেদ?

যশপ্ৰীত বুমৰাহ তেওঁৰ আদৰ্শ । মুম্বাই ইণ্ডিয়ানছে এইবাৰ সেই বুমৰাহক নাপালে । কিন্তু কি আচৰিত, এজন যুৱকে বুমৰাহৰ অভাৱ দূৰ কৰিলে । যাৰ আই পি এল খেলাৰ অভিজ্ঞতা নাছিল । সোমবাৰে বিয়লিলৈকে তেওঁ কেৱল নেট বলাৰ হিচাপেহে পৰিচিত আছিল । সেই অশ্বিনীয়ে ৱাংখেড়েত খেলপথাৰত নামি ৪ টা উইকেট দখল কৰিলে । তেওঁৰ দখল কৰে আন্দ্ৰে ৰাছেল আৰু আজিংক্য ৰাহানেৰ দৰে খেলুৱাৱৈৰ উইকেট । অভিষেক মেচতেই ৪ টা উইকেটত দখল কৰি সকলোকে আচৰিত কৰি তোলে মোহলীৰ এই ল’ৰাটোৱে ।