বাংলাদেশত আশাৰ পোহৰ দেখিছে আৱামী লীগে

ৰাজনৈতিক অস্থিৰতাই বিৰাজ কৰা বাংলাদেশত আৱামী লীগৰ পুনৰুত্থান । সেই আৱামী লীগ, যাৰ চৰকাৰৰ পতন ঘটিছিল ছাত্ৰ আন্দোলনৰ ফলত । সেই আৱামী লীগ, যাৰ নেতৃ তথা বাংলাদেশত কেইমাহমান পূৰ্বলৈকে শাসন কৰি থকা শ্বেখ হাছিনাই পলায়ন কৰিবলৈ বাধ্য হৈছিল ভাৰতলৈ । কিন্তু পুনৰ বাংলাদেশত খোপনি পুতিছে হাছিনাৰ দল আৱামী লীগে ।

পুনৰ বাংলাদেশত শাসন কৰিব নেকি আৱামী লীগে ? এই প্ৰশ্নৰ উত্থাপন হৈছে সম্প্ৰতি । আচলতে আইজীৱী সন্থাৰ এক নিৰ্বাচনত হাছিনা পন্থী আইনজীৱীৰ জয়ৰ পাছতেই উত্থাপন হৈছে এই প্ৰশ্ন । চাঁপাইনবাবগঞ্জ জিলা আইনজীৱী সমিতিৰ কাৰ্যনিবাহক সমিতিৰ নিৰ্বাচনৰ পাছত এইবাৰ কুষ্টিয়াত আইনজীৱী সমিতিৰ নিৰ্বাচনত নিৰংকুশ জয় আৱামী লীগৰ প্ৰাৰ্থীৰ । সেয়ে এতিয়া চৰ্চা চলিছে যে, পুনৰ শাসনলৈ অহাৰ সম্ভাৱনা আছে নেকি আৱামী লীগ ।