১৩ নৱেম্বৰৰ দিনা অসমৰ কেইবাখনো ঠাইত বন্ধ ঘোষণা কৰিছে প্ৰশাসনে। এই দিনটোত এই ঠাইসমূহত বন্ধ থাকিব সকলো চৰকাৰী- বেচৰকাৰী অনুষ্ঠান প্ৰতিষ্ঠান।

১৩ নৱেম্বৰত দেশৰ বিভিন্ন প্ৰান্তৰ লগতে অসমতো অনুষ্ঠিত হ'ব বিধানসভাৰ উপ- নিৰ্বাচন। অসমৰ ৫ টা সমষ্টিত অনুষ্ঠিত হ'ব এই নিৰ্বাচন। 

অসমৰ ধলাই, চামগুৰি, বিহালী, ছিদলী আৰু বঙাইগাঁৱ সমষ্টিত অনুষ্ঠিত হ'ব বিধানসভাৰ উপ- নিৰ্বাচন। ইতিমধ্যে এই সমষ্টি কেইটাত তুংগত উঠিছে নিৰ্বাচনী প্ৰচাৰ।

নিৰ্বাচনৰ প্ৰতি লক্ষ্য ৰাখি এই সমষ্টি কেইটাত বন্ধ ঘোষনা কৰিছে প্ৰশাসনে। ১৩ নৱেম্বৰত অসমৰ বিহালী, ছিদলী, বঙাইগাঁও,চামগুৰি আৰু ধলাইত বন্ধ ঘোষণা ।

এই দিনটোত এই ৫ সমষ্টিৰ চৰকাৰী- বেচৰকাৰী শিক্ষানুষ্ঠান বা আন অনুষ্ঠান প্ৰতিষ্ঠান আদি বন্ধ থাকিব। অসমৰ বাকী এলেকাৰ বাবে এয়া প্ৰযোজ্য নহয়।

এইবাৰ নিৰ্বাচনত ৫ টা সমষ্টিত মুঠ ৩৪ গৰাকী প্ৰাৰ্থী নিৰ্বাচনত অৱতীৰ্ণ হৈছে। আনহাতে   ২৩ নৱেম্বৰত নিৰ্বাচনৰ ফলাফল ঘোষণা কৰা হ'ব।