TV9 ASSAM
অসমৰ মুখ্যমন্ত্ৰী হিমন্ত বিশ্ব শৰ্মাই উল্লেখ কৰিছে যে, ৰাজ্যখনে এতিয়া নতুন উদ্যোগক আকৰ্ষণৰ ক্ষেত্ৰত কৰ্ণাটকৰ দৰে অঞ্চলৰ সৈতে প্ৰতিযোগিতাত অৱতীৰ্ণ হৈছে।
মুখ্যমন্ত্ৰী শৰ্মাই দাবী কৰে যে, অসম উদ্যোগ প্ৰতিষ্ঠা কৰিব বিচৰা বিনিয়োগকাৰীৰ বাবে পছন্দৰ গন্তব্যস্থানলৈ পৰিগণিত হৈছে ।
মুখ্যমন্ত্ৰী শৰ্মাই কয় যে, ভাৰতৰ আন ৰাজ্যৰ তুলনাত অসমৰ জনসংখ্যাৰ গড় বয়স ২২.৭ বছৰ।
তেওঁ কয় যে,বিশ্বৰ প্ৰেক্ষাপটত ভাৰতক যুৱ ৰাষ্ট্ৰ বুলি গণ্য কৰা হয় । ভাৰতৰ ভিতৰত যুৱ প্ৰদেশ বা ৰাজ্য হৈছে অসম ।
মুখ্যমন্ত্ৰীয়ে কয় যে, ৰাজ্যত যুৱক-যুৱতীৰ সংখ্যা বেছি হোৱাৰ বাবে চাকৰিৰ আশা, কৰ্মসংস্থাপনৰ আকাংক্ষা, কাম কৰাৰ স্পষ্ট ইচ্ছা দেখা যায় ।
গতিকে ৰাজ্য় চৰকাৰে চৰকাৰী চাকৰিৰ সমান্তৰালভাৱে উদ্যোগীকৰণৰ পৰিৱেশ সৃষ্টিৰ প্ৰচেষ্টা কৰিছে বুলি কয় মুখ্যমন্ত্ৰী শৰ্মাই ।
ৰাজ্যত হোৱা উদ্যোগীকৰণে স্থানীয় জনসাধাৰণৰ বাবে কৰ্মসংস্থাপনৰ সুযোগ সৃষ্টি কৰিব বুলি আশা প্ৰকাশ কৰে মুখ্য়মন্ত্ৰী হিমন্ত বিশ্ব শৰ্মাই ।
পঢ়িবলৈ ক্লিক কৰক