শৰীৰত তেজৰ পৰিমাণ কম হোৱাৰ লক্ষণসমূহ জানক,,,

 শৰীৰত তেজৰ পৰিমাণ কম হ'লে ইয়াক এনীমিয়া বুলি কোৱা হয়। ই এক গুৰুতৰ ৰোগ। যাৰ ফলত শৰীৰে প্ৰয়োজনীয় অক্সিজেন লাভ নকৰে। গতিকে চিকিৎসকৰ পৰামৰ্শ লোৱা অত্যন্ত আৱশ্যক।

শৰীৰত তেজৰ পৰিমাণ কম হোৱাৰ ফলত বিভিন্ন ধৰণৰ লক্ষণে দেখা দিয়ে। গতিকে এনে লক্ষণসমূহ কেতিয়াও সহজে ল'ব নালাগে। লক্ষণ দেখা দিয়াৰ লগে লগে চিকিৎসকৰ ওচৰলৈ যাব লাগে।

শৰীৰত তেজৰ অভাৱৰ ফলত এনাৰ্জী কমি যাব পাৰে। যাৰ বাবে আপুনি অলপ কাম কৰাৰ পাছতে ভাগৰুৱা অনুভৱ কৰিব পাৰে। গতিকে অলপ কামতেই অত্যাধিক ভাগৰ লাগিলে চিকিৎসকৰ পৰামৰ্শ গ্ৰহণ কৰিব।

শৰীৰত অক্সিজেনৰ অভাৱৰ বাবে হৃদযন্ত্ৰই কষ্ট পাব পাৰে। ইয়াৰ বাবে বুকুত বিষ,  হৃদস্পন্দন বৃদ্ধি, উশাহ-লোৱাত কষ্ট আদি সমস্যাই দেখা দিব পাৰে। এনে অৱস্থাত চিকিৎসকৰ পৰামৰ্শ লোৱা আৱশ্যক।

মূৰটোৱে পৰ্যাপ্ত পৰিমাণৰ অক্সিজেন লাভ নকৰাৰ ফলত মূৰৰ বিষ হৈ থাকিব পাৰে। ইয়াৰোপৰি কেতিয়াবা বহু সময় থিয় হৈ থাকিলে মূৰ ঘূৰাব পাৰে। তেজ কম হ'লে মূৰ ঘূৰোৱা সাধাৰণ লক্ষণ।

তেজৰ চলাচল দুৰ্বল হোৱাৰ বাবে হাত আৰু ভৰিত সদায় ঠাণ্ডা অনুভৱ হৈ থাকে। প্ৰায়ভাগ সময় অস্বস্তি লাগিব পাৰে। গতিকে এনে লক্ষণসমূহে দেখা দিলে চিকিৎসকৰ পৰামৰ্শ লোৱা আৱশ্যক।