৩ অক্টোবৰ, ২০২৪
আজিকালি স্তনৰ কৰ্কট ৰোগৰ সমস্যা বৃদ্ধি পাইছে। যেতিয়া স্তনৰ কোষবোৰ দ্ৰুতগতিত বৃদ্ধি হৈ টিউমাৰৰ ৰূপ লয় তেতিয়া এই কৰ্কট ৰোগ হয়।
স্তনৰ কৰ্কট ৰোগৰ বিভিন্ন কাৰণ আছে। গতিকে এই কাৰণসমূহ জনা আৱশ্যক। কৰ্কট ৰোগ বিশেষজ্ঞ ডাঃ বিনীত তলবালে এই বিশেষ সবিশেষ জনাইছে।
চিকিৎসকগৰাকীয়ে কয় যে, যদি পৰিয়ালৰ কোনো মহিলাৰ পূৰ্বতে স্তনৰ কৰ্কট ৰোগ হৈছিল তেন্তে পৰিয়ালৰ অন্য মহিলাইও এই ৰোগত ভুগিব পাৰে। ইয়াক কিছু পৰিমাণে জিনেটিক বুলিব পাৰি।
যদি কোনো মহিলাই কেতিয়াবা ৰেডিয়েশ্যন থেৰাপী লয় তেন্তে তেনে মহিলাৰ স্তনৰ কৰ্কট ৰোগ হোৱাৰ সম্ভাৱণা অধিক।
যিসকল মহিলাই মদ আৰু ধপাতজাতীয় সামগ্ৰী সেৱন কৰে তেওঁলোকৰ এই ৰোগ হ'ব পাৰে। ইয়াৰোপৰি মেদবহুলতা আৰু অস্বাস্থ্যকৰ খাদ্য ইয়াৰ কাৰণ হ'ব পাৰে।
যিসকল মহিলাৰ এষ্ট্ৰোজন আৰু প্ৰোজেষ্ট্ৰেৰোন হৰম'নৰ মাত্ৰা বৃদ্ধি পাই সেইসকলৰ স্তনৰ কৰ্কট ৰোগ হোৱাৰ সম্ভাৱণা অধিক।
বয়স বৃদ্ধিও স্তনৰ কৰ্কট ৰোগৰ এটা কাৰণ। বিশেষকৈ ৫০ বছৰ বয়সৰ ওপৰৰ মহিলাসকলৰ মাজত এই সমস্যা বেছিকৈ দেখা যায়। অৱশ্যে একাংশ যুৱকীয়েও আক্ৰান্ত হয়।
পঢ়িবলৈ ক্লিক কৰক