কোনে প্ৰথমে চিনাক্ত কৰিছিল যশপ্ৰীত বুমৰাহৰ প্ৰতিভা?

চলিত ব’ৰ্ডাৰ-গাভাস্কাৰ ট্ৰফীত বিধ্বংসী ৰূপত দেখিবলৈ পোৱা যশপ্ৰীত বুমৰাহে এইপৰ্যন্ত এই শৃংখলাত দখল কৰিছে সৰ্বাধিক উইকেট।

আজি টেষ্ট ক্ৰিকেটত ২০০টা উইকেট সম্পূৰ্ণ কৰে বুমৰাহে। টেষ্ট ক্ৰিকেটৰ ইতিহাসত সৰ্বনিম্ন গড় হিচাপত তেওঁ ১৯.৩৮ গড়ে এই মাইলষ্ট’ন স্পৰ্শ কৰে।

যশপ্ৰীত বুমৰাহক আৱিষ্কাৰ কৰিছিল নিউজিলেণ্ডৰ প্ৰাক্তন ক্ৰিকেটাৰ জন ৰাইটে। তেওঁৰ বাবেই বুমৰাহে দেখিছিল সমুখলৈ অহাৰ পথ।

নিউজিলেণ্ডৰ ক্ৰিকেটাৰ জন ৰাইট এসময়ত ভাৰতীয় দলৰ মুখ্য প্ৰশিক্ষক আছিল। ইয়াৰ পিছত তেওঁ মুম্বাই ইণ্ডিয়ানছৰ প্ৰশিক্ষকো হয়।

জন ৰাইট যেতিয়া মুম্বাইৰ প্ৰশিক্ষক আছিল তেতিয়া তেওঁ যুৱ প্ৰতিভাৰ সন্ধান চলাইছিল। তেনে সময়তে তেওঁ বুমৰাহক আহমেদাবাদত বলিং কৰা দেখিবলৈ পায়।

ইয়াৰ পিছতে জন ৰাইটে পাৰ্থিৱ পেটেলৰ পৰা বুমৰাহৰ বিষয়ে তথ্য লৈছিল। ইয়াৰ পিছত ২০১৩ চনত আই পি এলত প্ৰৱেশ ঘটে বুমৰাহৰ।

জন ৰাইটৰ দৃষ্টিত ধৰা পৰা এই বুমৰাহকে এতিয়া সমগ্ৰ ক্ৰিকেট বিশ্বই সাম্প্ৰতিক ক্ৰিকেট বিশ্বৰ শ্ৰেষ্ঠতম বলাৰ হিচাপে স্বীকৃতি দিছে।