বিনেশ ফ’গাটৰ ওপৰত আস্থা ৰাখিলে ভোটাৰে

হাৰিয়ানাৰ জুলানা বিধানসভাৰ আসনত কংগ্ৰেছৰ হৈ প্ৰতিদ্বন্দ্বিতা আগবঢ়াই বিনেশ ফ’গাটে বিজেপিৰ নিকটতম প্ৰতিদ্বন্দ্বী যোগেশ কুমাৰক ৬,০১৫ ভোটৰ ব্যৱধানত পৰাস্ত কৰে।

এইবাৰ অলিম্পিকত ফাইনেলৰ পূৰ্বে সামান্য ওজন বৃদ্ধিৰ বাবে পদক হেৰুৱাবলগীয়া হৈছে মল্লযুঁজাৰু বিনেশ ফ’গাটে। ইয়াৰ পাছতে মল্লযুঁজক বিদায় দি ৰাজনীতিত ভৰি দিয়ে বিনেশ ফ’গাটে।

এই আসনৰ পৰা শেষবাৰৰ বাবে কংগ্ৰেছে জয়লাভ কৰিছিল ২০০৫ চনত। অৰ্থাৎ ১৯ বছৰৰ পাছত কংগ্ৰেছে ফ’গাটৰ হাতত ধৰি জুলানা বিধানসভা আসনখন পুনৰ নিজৰ দখললৈ আনে ।

বিনেশ ফ’গাটে নিজৰ জয়ৰ সন্দৰ্ভত কয় যে,সদায় সংগ্ৰামৰ পথ বাছি লোৱা প্ৰতিগৰাকী ছোৱালী আৰু মহিলাৰ এই যুঁজ। এই দেশে মোক যি মৰম দিছে, সেই মৰম মই সদায় লগত ৰাখিম।

বিনেশ ফ’গাটে কৈছিল যে, তেওঁ কেৱল জুলানাতে নহয়, সমগ্ৰ ৰাজ্যতে কাম কৰিব বিচাৰে। মহিলাৰ অধিকাৰৰ বাবে যুঁজ দিয়া দলটোক ভোট দিব লাগে বুলিও তেওঁ কৈছিল।