২৮ জুন, ২০২৪
Tv9 Assam
বিশিষ্ট উদ্যোগপতি ৰতন টাটা সকলোৰে প্ৰিয়। মানৱ দৰদী ৰতন টাটাই দেশৰ প্ৰতিটো সংকটৰ সময়ত আগত থিয়ে দিয়ে। দেশৰ বাবে তেওঁৰ অৱদান অতুলনীয়।
ৰতন টাটা তেওঁৰ মহানুভৱতাৰ বাবে সদায় সকলোৰে প্ৰিয়। দেশৰ বিভিন্ন ক্ষেত্ৰৰ লগতে চিকিৎসা ক্ষেত্ৰতো তেওঁৰ অৱদান চিৰ ঋণী।
কেৱল মানুহ নহয় জীৱ-জন্তুৰ বাবে তেওঁ ভগৱান। কুকুৰ তেওঁৰ প্ৰিয়। প্ৰায়েই তেওঁ পোহা কুকুৰ বা অন্য জীৱ-জন্তুক লৈ মত প্ৰকাশ কৰে।
২৭ জুনত ছ'চিয়েল মিডিয়াত ৰতন টাটাই বিচাৰিছিল সহায়। এটা কুকুৰৰ বাবে তেজৰ প্ৰয়োজন হৈছিল। ইয়াৰ বাবে মুম্বাইবাসীৰ সহায় কামনা কৰিছিল তেওঁ।
এই পোষ্ট দিয়াৰ লগে লগে সঁহাৰি লাভ কৰে ৰতন টাটাই। সহায়ৰ বাবে পোহনীয়া কুকুৰ লগত লৈ কেইবাজনো টাটাই দিয়া ঠিকনাত উপস্থিত হয়।
সকলোকে ধন্যবাদ জ্ঞাপন কৰি ৰতন টাটাই কয় যে ৰক্তদানৰ বাবে ধন্যবাদ। আশা কৰো ,সোনকালে আৰোগ্য হ'ব।
কুকুৰৰ লগতে গৰাকীৰ ফটো ছ'চিয়েল মিডিয়াত পোষ্ট কৰে ৰতন টাটাই। লগতে কুকুৰ কেইটাৰ নাম উল্লেখ কৰি ধন্যবাদ জনায়।
পঢ়িবলৈ ক্লিক কৰক