মাতৃৰ ভৱিষ্যদ্বাণী সঁচা কৰি তুলিলে শ্বাহৰুখে

কেৱল দেশতে নহয়, সমগ্ৰ বিশ্বতে শ্বাহৰুখৰ আছে অগণন অনুৰাগী। বিশ্বজোৰা খ্যাতিৰে তেওঁ প্ৰকৃততেই যেন হৈ পৰিল কিং খান।

এই অসামান্য সাফল্য লাভৰ ক্ষেত্ৰত শ্বাহৰুখে কাৰ্যত সঁচা প্ৰমাণিত কৰি তুলিলে শৈশৱতে তেওঁৰ মাতৃয়ে কৰা এক ভৱিষ্যদ্বাণী।

শ্বাহৰুখে এক সাক্ষাৎকাৰত প্ৰকাশ কৰিছিল যে তেওঁৰ শৈশৱতে মাকে শ্বাহৰুখ ডাঙৰ হৈ তাৰকা অভিনেতা হ’ব বুলি কৈছিল।

শ্বাহৰুখে লগতে কয় যে মাতৃৰ বাবে আন কোনেও তেওঁ এগৰাকী অভিনেতা হ’ব বুলি ভৱা নাছিল। কেৱল মাকৰে আছিল এই বিশ্বাস।

অভিনেতাজনে লগতে উল্লেখ কৰা মতে, তেওঁৰ মাকে শ্বাহৰুখ ডাঙৰ হৈ হুবহু দিলীপ কুমাৰৰ দৰে হ’ব বুলি ভৱিষ্যদ্বাণী কৰিছিল৷

মাকে যি বিচাৰিছিল সেয়া হ’ল যদিও নিজ পুত্ৰক আাৰু পুত্ৰৰ এখনো চিনেমা মাকে টিভিত চাব নোৱাৰিলে বুলি দুখ প্ৰকাশ কৰে শ্বাহৰুখে।