মাহ কৰাই খোৱা পৰম্পৰাৰ বিষয়ে জানেনে?

কোৱা হয়, মেজিৰ জুইয়ে সমাজৰ পৰা সকলো অপায় অমংগল দূৰ কৰি সমাজৰ একতাৰ এনাজৰী সুদৃঢ় কৰে। ভোগালী হৈছে আনন্দ, ভোগৰ উৎসৱ। সেয়ে সমূহ অসমীয়াই লগে ভাগে উদযাপন কৰিলে বিহু।

 মাঘ বিহুৰ কিছুমান স্বকীয় পৰম্পৰা আছে। মাঘ বিহুৰ অন্যতম আকৰ্ষণ উৰুকা আৰু মেজি। উৰুকাৰ নিশা চুৰি কৰাৰ পৰম্পৰা আছে। ডেকাসকলে হাহ, কুকুৰা, জেওৰা, শাক-পাচলি আদি চুৰি কৰে।

খাদ্য সন্দৰ্ভতো মাঘ বিহুত কিছু পৰম্পৰা আছে। একাংশই কয় যে, মাঘত পঁইতা ভাত খালে শক্তি পোৱা যায়। সেয়ে কোৱা হয়,মাঘে পন্টা বাঘেৰ বল। অৰ্থাৎ মাঘত পঁইতা ভাত খালে বাঘৰ দৰে শক্তি হয়।

মাঘত মাহ কৰাই খোৱাৰো পৰম্পৰা আছে। মাটি দাইল, তিল, বুট, ভজা চাউল আদিৰে মাহ কৰাই প্ৰস্তুত কৰা হয়। এয়া খোৱাৰ সময়ত জুতিৰ বাবে নিমখ, তেল, আদা, ধনিয়া পাত আদি দি খাব লাগে।