ছাত্ৰ-ছাত্ৰীৰ বাবে পুৱাৰ সময়খিনি কিয় গুৰুত্বপূৰ্ণ ?

ৰাতিপুৱা কোলাহল কম। চৌপাশ শান্ত হৈ থাকে। গতিকে এই সময়ত ছাত্ৰ-ছাত্ৰীৰ মনটো বিচলিত নহয়। অধ্যয়নৰ বিষয়বস্তুৰ সৈতে মানসিক সংযোগ ভাল হয় । 

পঢ়িবলৈ বহিলে একাগ্ৰতা আহিব। ৰাতিপুৱা মনটো স্পষ্ট হৈ পৰে, এই সময়ত কঠিন আৰু জটিল বিষয়বোৰৰ ওপৰত অনুশীলন কৰিলে সমাধান পাব পাৰি ।

ৰাতিপুৱা সোনকালে উঠিলে মগজুৰ সক্ৰিয়তা বৃদ্ধি পায়। মগজু ৰাতিপুৱা সময়ত আটাইতকৈ বেছি সক্ৰিয় হয়। মনলৈ সৃষ্টিশীল চিন্তাও আহে।

এই সময়ত মগজুলৈ ইতিবাচক চিন্তা আহে। সঠিক সিদ্ধান্ত লোৱাত সহায় কৰে। গতিকে পুৱা সময়খিনি ছাত্ৰ-ছাত্ৰীৰ বাবে অতি গুৰুত্বপূৰ্ণ ।