ভাৰতৰ প্ৰাক্তন অধিনায়ক এম এছ ধোনীয়ে আন্তঃৰাষ্ট্ৰীয় ক্ৰিকেটৰ পৰা অৱসৰ লৈছে যদিও সততে তেওঁক লৈ চলি আহিছে চৰ্চা।

আগন্তুক আইপিএল ছিজনত চেন্নাইৰ সম্ভাৱ্য খেলুৱৈৰ ৰিটেনচনৰ বিষয়ক লৈ সম্প্ৰতি ধোনীয়ে দখল কৰিছে শিৰোনাম।

তাৰ মাজতে এজন আৰক্ষী বিষয়াৰ সৈতে ধোনীৰ ভাইৰেল ফটোৱে সামাজিক মাধ্যমত ব্যাপক চৰ্চা লাভ কৰিছে।

অৱশ্যে কোনো আইনী কাৰণত নহয়, বিশেষ সম্পৰ্ক সূত্ৰেহে আৰক্ষী বিষয়াজনৰ সৈতে দেখা গৈছে ধোনীক।

এই আৰক্ষী বিষয়াজন আন কোনো নহয়, ধোনীৰ সৈতে ভাৰতীয় দলত অভিষেক ঘটোৱা প্ৰাক্তন ক্ৰিকেটাৰ যোগীন্দৰ শৰ্মা।