TV9 ASSAM
লাই শাকৰ সৈতে গাহৰি মাংসৰ আঞ্জাৰ সোৱাদেই সুকীয়া । অসমৰ জনগোষ্ঠীয় সমাজত লাই আৰু গাহৰি মাংসৰ আঞ্জা খুবেই জনপ্ৰিয় ।
লাই শাক আৰু গাহৰি মাংস ৰান্ধিবলৈ বৰ বেছি মছলাৰ প্ৰয়োজন নাই । আমাৰ জনগোষ্ঠীয় সমাজত প্ৰায়ে মছলা কম ব্যৱহাৰ কৰা হয় ।
লাই শাক আৰু গাহৰি মাংস ৰান্ধিবলৈ লাই শাক, গাহৰি মাংস, আলু, পিয়াঁজ, নহৰু, আদা, জলকীয়া, নিমখ, হালধিৰ প্ৰয়োজন।
আপুনি যদি ইচ্ছা কৰে তেন্তে প্ৰয়োজন অনুসৰি মিট মছলা আৰু ৰঙা জলকীয়া গুৰি দিব পাৰে। কিন্তু এই আঞ্জাৰ প্ৰকৃত সোৱাদ ল'বলৈ মছলা প্ৰয়োগ নকৰাই ভাল ।
প্ৰথমে জুইত কেৰাহীখন গৰম হ'বলৈ দিব । ইয়াৰ পাছত প্ৰয়োজন অনুসৰি মিঠাতেল দিব পাৰে । তেল নিদিয়াকৈও লাই-গাহৰিৰ আঞ্জা ৰান্ধিব পাৰে ।
গৰম তেলত পিয়াঁজখিনি দি ৰঙচুৱা হ'বলৈ দিব আৰু তাৰ পাছত গাহৰি মাংসখিনি দি দিব । প্ৰয়োজন অনুসৰি নিমখ দি অলপ সময় ভাজিব ।
ইয়াৰ পাছত হালধি,আদা-নহৰুৰ খুন্দি থোৱা মিশ্ৰণখিনি দি অলপ ভাজিব। শেষত লাই শাক দিয়াৰ পাছত জুই কম কৰি ঢাকি দিব । প্ৰয়োজন হ'লে কুহুমীয়া গৰম পানী দিব পাৰে ।
পঢ়িবলৈ ক্লিক কৰক