লাই শাকৰ সৈতে গাহৰি মাংস ৰন্ধা পদ্ধতি

লাই শাকৰ সৈতে গাহৰি মাংসৰ আঞ্জাৰ সোৱাদেই সুকীয়া । অসমৰ জনগোষ্ঠীয় সমাজত লাই আৰু গাহৰি মাংসৰ আঞ্জা খুবেই জনপ্ৰিয় ।

লাই শাক আৰু গাহৰি মাংস ৰান্ধিবলৈ বৰ বেছি মছলাৰ প্ৰয়োজন নাই । আমাৰ জনগোষ্ঠীয় সমাজত প্ৰায়ে মছলা কম ব্যৱহাৰ কৰা হয় ।

আপুনি যদি ইচ্ছা কৰে তেন্তে প্ৰয়োজন অনুসৰি মিট মছলা আৰু ৰঙা জলকীয়া গুৰি দিব পাৰে। কিন্তু এই আঞ্জাৰ প্ৰকৃত সোৱাদ ল'বলৈ মছলা প্ৰয়োগ নকৰাই ভাল ।

প্ৰথমে জুইত কেৰাহীখন গৰম হ'বলৈ দিব । ইয়াৰ পাছত প্ৰয়োজন অনুসৰি মিঠাতেল দিব পাৰে । তেল নিদিয়াকৈও লাই-গাহৰিৰ আঞ্জা ৰান্ধিব পাৰে ।

গৰম তেলত পিয়াঁজখিনি দি ৰঙচুৱা হ'বলৈ দিব আৰু তাৰ পাছত গাহৰি মাংসখিনি দি দিব । প্ৰয়োজন অনুসৰি নিমখ দি অলপ সময় ভাজিব ।