ঘৰৰ মন্দিৰৰ পাছতেই পাকঘৰত পবিত্ৰ স্থান বুলি গন্য কৰা হয়। পাকঘৰত কাম কৰাৰ সময়ত বহু জাবৰ ওলায়। প্লাষ্টিক , শাক-পাচলিৰ অৱশিষ্ট আদি।

এনে জাবৰ অথবা অৱশিষ্ট খাদ্য পেলাবলৈ পাকঘৰত মানুহে ডাষ্টবিন ব্যৱহাৰ কৰে। এই ডাষ্টবিনক লৈ বাস্তু শাস্ত্ৰত কিছু নিয়ম আছে।

বাস্তু শাস্ত্ৰ অনুসৰি পাকঘৰত ডাষ্টবিন ৰাখিব পাৰি।  কিন্তু ইয়াক সঠিক দিশত ৰাখিলেহে ফল পোৱা যায়। নহ'লে সমস্যা হ'ব পাৰে।

বাস্তু শাস্ত্ৰৰ মতে ডাষ্টবিন সদায় ভাল দিশত ৰাখিব লাগে। ভুল দিশত ৰাখিলে নকৰাত্মক শক্তি আৰু দৰিদ্ৰতাই দেখা দিয়াৰ সম্ভাৱণা আছে।

কেতিয়াও উত্তৰ দিশত ডাষ্টবিন নাৰাখিব। কিয়নো এই স্থান ভগৱানৰ বুলি কোৱা হয়। এই দিশত ডাষ্টবিন ৰাখিলে দৰিদ্ৰতা, ঘৰত কাজিয়া আদি হ'ব পাৰে।