TV9 ASSAM
আজিকালি প্ৰায়ভাগ মহিলা স্তনৰ কৰ্কট ৰোগত আক্ৰান্ত হোৱা দেখা যায়। যেতিয়া স্তনত কোষসমূহ অস্বাভাৱিকভাৱে বৃদ্ধি হয়, তেতিয়া ই টিউমাৰৰ ৰূপ লয়। ইয়াৰ বাবে কৰ্কট ৰোগ হয়।
কিছুমান মহিলাৰ স্তন কৰ্কট ৰোগৰ সম্ভাৱনা সাধাৰণ মহিলাতকৈ অধিক হয়। গতিকে তেনে মহিলাসকলে ইয়াৰ বিষয়ে জনা উচিত।
যদি পৰিয়ালৰ কোনো মহিলাৰ স্তনৰ কৰ্কট ৰোগ হয়, তেন্তে পৰিয়ালৰ অন্য মহিলাৰো এই কৰ্কট ৰোগ হোৱাৰ সম্ভাৱনা আছে।
বয়োজ্যেষ্ঠ মহিলাসকলৰ এই ৰোগৰ সম্ভাৱনা বেছি। বিশেষকৈ ৫৫ বছৰৰ ওপৰৰ মহিলাসকলৰ স্তনৰ কৰ্কট ৰোগৰ আশংকা বৃদ্ধি পায়।
যিসকল মহিলাৰ এষ্ট্ৰোজন আৰু প্ৰোজেষ্টোৰেন হৰম'নৰ পৰিমাণ বৃদ্ধি হয়, তেনে মহিলাসকলৰ স্তনৰ কৰ্কট ৰোগৰ আশংকা তীব্ৰগতিত বৃদ্ধি পায়।
যিসকল মহিলাই সুৰাপন কৰে বা ধূমপান কৰে তেনে মহিলাসকলৰ স্তনৰ কৰ্কট ৰোগৰ আশংকা বৃদ্ধি পায়।
মেদবহুলতা বহু ৰোগৰ কাৰণ। মেদবহুলতাৰ ফলত স্তন কৰ্কট ৰোগ হ'ব পাৰে। গতিকে মহিলাসকলে ওজন নিয়ন্ত্ৰণত গুৰুত্ব দিব লাগে।
পঢ়িবলৈ ক্লিক কৰক