TV9 ASSAM
বৰ্তমান সময়ত উত্তৰ প্ৰদেশৰ প্ৰয়াগৰাজত চলি আছে মহাকুম্ভ ২০২৫। এই মহাকুম্ভলৈ দেশ-বিদেশৰ কোটি কোটি ভক্তৰ সমাগম হৈছে। কোটি কোটি ভক্তই স্নান কৰিছে ত্ৰিবেণী সংগমত।
মহাকুম্ভত বিশেষ চৰ্চাত আছে IITian বাবা অভয় সিং। অৱশ্য়ে অনুশাসন সংহিতা উলংঘন কৰাৰ কাৰণে তেওঁ জুনা আখৰাৰ পৰা বৰ্জন কৰা হৈছে।
বৰ্তমান সামাজিক মাধ্যমত তেওঁৰ এটা ভিডিঅ' ভাইৰেল হৈ পৰিছে। য'ত তেওঁ দেশৰ আগন্তুক প্ৰধানমন্ত্ৰী সন্দৰ্ভত মন্তব্য প্ৰদান কৰিছে।
IITian বাবা অভয় সিঙে এটা প্ৰশ্নৰ উত্তৰ দি কয় যে যোগী আদিত্য নাথ হ'ব দেশৰ পৰৱৰ্তী প্ৰধানমন্ত্ৰী। IITian বাবাই কৰা এই ভৱিষ্যতবাণী বৰ্তমান ভাইৰেল হৈ পৰিছে।
ইয়াৰোপৰি IITian বাবাক সোধা হৈছিল যে নৰেন্দ্ৰ মোদী সন্দৰ্ভত আপোনাৰ বিচাৰধাৰা কি? এই প্ৰশ্নটোৰ ওপৰতো তেওঁ উত্তৰ দিয়ে।
মোদী সন্দৰ্ভত IITian বাবাই কয় যে, নৰেন্দ্ৰ মোদী দেশৰ ৰাষ্ট্ৰপতি হ'ব পাৰে। IITian বাবা অভয় সিঙৰ এই মন্তব্য এতিয়া ভাইৰেল হৈ পৰিছে।
উল্লেখ্য যে, IITian বাবা অভয় সিং এৰোস্পেছ ইঞ্জিনিয়াৰিঙত IIT বোম্বেৰ পৰা স্নাতক ডিগ্ৰী লাভ কৰিছে। কিন্তু তেওঁ এতিয়া এজন সন্ন্যাসী।
পঢ়িবলৈ ক্লিক কৰক