অষ্ট্ৰেলিয়া-ভাৰতৰ তিনিখন খেলৰ এদিনীয়া শৃংখলাৰ অন্তিমখন খেলত ভাৰতীয় মহিলা তাৰকা বেটছমেন স্মৃতি মন্ধানাই শতক অৰ্জন কৰিবলৈ সক্ষম হয়।

ব্রিজবেনৰ এলান বর্ডাৰ ফিল্ডত অনুষ্ঠিত হোৱা প্রথম দুখন এদিনীয়া মেচত পৰাজয়ৰ পাছত তৃতীয়খন মেচ পার্থত অনুষ্ঠিত হৈছিল ৷ 

অষ্ট্ৰেলিয়াৰ বিৰুদ্ধে এই খেলখনত ১০৩ বলত ১০৫ ৰান সংগ্ৰহ কৰে স্মৃতি মন্ধানাই। এই সময়ছোৱাত তেওঁ ১৪টা চাৰি আৰু ১টা ছয় মাৰিবলৈ সক্ষম হয়। 

২০২৪ চনত চতুৰ্থটো শতক অৰ্জন কৰিছে স্মৃতিয়ে। ইয়াৰ লগে লগে তেওঁ মহিলা ক্ৰিকেটত বছৰৰ সৰ্বাধিক শতক অৰ্জন কৰা খেলুৱৈ হিচাপে পৰিগণিত হয়।