বিশ্বৰ ৫ টা দীৰ্ঘতম ঘাইপথ, তালিকাত আছে ভাৰতৰ নামো অন্তৰ্ভুক্ত

ভ্ৰমণ কৰি প্ৰায় সকলোৱে ভাল পায়। ভ্ৰমণৰ বাবেও মানুহে এখন দেশৰ পৰা আন এখন দেশলৈ যাত্ৰা কৰে। আজিকালি বহুতে ভ্ৰমণৰ ব্লগ চাই ভাল পায়। পথৰ অৱস্থা উন্নত হোৱাৰ লগে লগে মানুহে গাড়ীৰে লং ড্ৰাইভত যোৱাটোও পছন্দ কৰে। ভাৰততো বহুতো এক্সপ্ৰেছৱে নিৰ্মাণ কৰা হৈছে। ভাৰতৰ সৰ্ববৃহৎ এক্সপ্ৰেছৱে’ দিল্লী-মুম্বাই এক্সপ্ৰেছৱে নিৰ্মাণৰ কাম চলি আছে আৰু ইয়াৰ কাম শীঘ্ৰে সম্পূৰ্ণ হ’ব। কিন্তু আপুনি জানেনে পৃথিৱীৰ কোনটো দীঘলীয়া ঘাইপথ আৰু ইয়াত ভাৰতৰ স্থান কি?

পেন আমেৰিকান হাইৱে

আলাস্কাৰ প্ৰুডো উপসাগৰৰ পৰা আৰ্জেণ্টিনালৈকে বিস্তৃত এই পেন আমেৰিকান ঘাইপথটোৱে এক ডজনতকৈও অধিক দেশৰ মাজেৰে পাৰ হৈ গৈছে। এইটোৱেই হৈছে পৃথিৱীৰ আটাইতকৈ দীঘলীয়া ঘাইপথ। ইয়াৰ দৈৰ্ঘ্য প্ৰায় ১১,০০০ মাইলৰ পৰা ৩০,০০০ মাইললৈকে।

হাইৱে ১ (অষ্ট্ৰেলিয়া)

এই ঘাইপথটো ৯ হাজাৰ মাইলৰ ওপৰত বিস্তৃত। এইটো পৃথিৱীৰ অন্যতম দীঘলীয়া ঘাইপথ। এই ঘাইপথৰ সহায়ত আপুনি সহজেই অষ্ট্ৰেলিয়াৰ সকলো ডাঙৰ চহৰলৈ যাব পাৰে।

ট্ৰান্স-চাইবেৰিয়ান হাইৱে (ৰাছিয়া)

ট্ৰান্স-চাইবেৰিয়ান হাইৱে হৈছে ৰাছিয়াৰ সমগ্ৰ দৈৰ্ঘ্য সামৰি লোৱা ঘাইপথৰ নেটৱৰ্ক। পশ্চিমে চেণ্ট পিটাৰ্ছবাৰ্গৰ পৰা আৰম্ভ কৰি পূবে ভ্লাডিভষ্টকলৈকে ৬৮০০ মাইল বিস্তৃত।

ট্ৰান্স-কানাডা হাইৱে (কানাডা)

ট্ৰান্স-কানাডা ঘাইপথটোৱে প্ৰশান্ত মহাসাগৰ আৰু আটলাণ্টিক মহাসাগৰক সংযোগ কৰে, কানাডাৰ ১০খন প্ৰদেশৰ মাজেৰে প্ৰায় ৫,০০০ মাইল দৈৰ্ঘ্যৰ।

The Golden Quadrilateral হাইৱে নেটৱৰ্ক (ভাৰত)

ভাৰতৰ The Golden Quadrilateral ৰাষ্ট্ৰীয় ঘাইপথে দিল্লী, মুম্বাই, চেন্নাই আৰু কলকাতা চহৰক ৩৬০০ মাইল দৈৰ্ঘ্যৰে সংযোগ কৰিছে। ২০১২ চনত সম্পূৰ্ণ হোৱা এই তালিকাৰ নতুন ঘাইপথ নেটৱৰ্ক।