বাইডেনে প্ৰধানমন্ত্ৰী মোদীক ঘূৰাই দিলে ২৯৭ টা প্ৰাচীন সম্পদ, ১০ বছৰত আমেৰিকাৰ পৰা ৫৭৮ টা প্ৰাচীন সম্পদ উদ্ধাৰ ভাৰতৰ…
আমেৰিকাই নিজৰ হাতত থকা ২৯৭ টা ভাৰতীয় প্ৰাচীন সম্পদ ভাৰতক গতাই দিছে । ভাৰতৰ পৰা বিদেশলৈ সৰবৰাহ কৰা ইতিহাস সমৃদ্ধ এই সম্পদবোৰ আকৌ এবাৰ দেশলৈ ঘূৰি আহিব। এই পৰ্যন্ত আমেৰিকাই বিগত ১০ বছৰত ভাৰতক ৫৭৮ টা ভাৰতীয় প্ৰাচীন সম্পদ উভতাই দিছে ।
বৰ্তমান আমেৰিকা ভ্ৰমণত আছে ভাৰতৰ প্ৰধানমন্ত্ৰী নৰেন্দ্ৰ মোদী। প্ৰধানমন্ত্ৰী এই ভ্ৰমণ কালতে আমেৰিকাৰ ৰাষ্ট্ৰপতি জো বাইডেনে ভাৰতক ডাঙৰ উপহাৰ দিয়ে। আমেৰিকাই নিজৰ হাতত থকা ২৯৭ টা ভাৰতীয় প্ৰাচীন সম্পদ ভাৰতক গতাই দিয়ে। ভাৰতৰ পৰা বিদেশলৈ সৰবৰাহ কৰা ইতিহাস সমৃদ্ধ এই সম্পদবোৰ আকৌ এবাৰ দেশলৈ ঘূৰি আহিব। এই পৰ্যন্ত আমেৰিকাই বিগত ১০ বছৰত ভাৰতক ৫৭৮ টা ভাৰতীয় প্ৰাচীন সম্পদ উভতাই দিছে ।
২০১৪ চনত প্ৰধানমন্ত্ৰী নৰেন্দ্ৰ মোদীয়ে দেশৰ দায়িত্ব লোৱাৰ পিছৰে পৰা ভাৰতে বিদেশৰ পৰা মুঠ ৬৪০ টা প্ৰাচীন সম্পদ উদ্ধাৰ কৰিছে। এই ৬৪০টা প্ৰাচীন সম্পদৰ ভিতৰত কেৱল আমেৰিকাই ৫৭৮ টা প্ৰাচীন সম্পদ ভাৰতক ঘূৰাই দিছে।
During this visit of PM Narendra Modi to the US, 297 antiquities smuggled out of the country were handed over to India. This takes the total number of antiquities recovered by India since 2014 to 640. The total number of antiquities returned from the USA alone will be 578. pic.twitter.com/dE1EpLYFkj
— ANI (@ANI) September 22, 2024
প্ৰধানমন্ত্ৰী মোদীৰ আমেৰিকা ভ্ৰমণ বহু দিশত ভাৰতৰ বাবে এক মাইলৰ খুঁটি হিচাপে প্ৰমাণিত হৈছে। ২০২১ চনত যেতিয়া প্ৰধানমন্ত্ৰী মোদীয়ে আমেৰিকা ভ্ৰমণ কৰিছিল তেতিয়া আমেৰিকা চৰকাৰে ১৫৭ টা প্ৰাচীন সম্পদ ভাৰতক ঘূৰাই দিছিল। ২০২১ চনত ভাৰতলৈ ঘূৰি অহা এই প্ৰাচীন সম্পদবোৰৰ ভিতৰত দ্বাদশ শতিকাৰ ব্ৰঞ্জৰ নটৰাজ মূৰ্তিও অন্তৰ্ভুক্ত কৰা হৈছিল। ২০২১ চনৰ পিছত ২০২৩ চনত প্ৰধানমন্ত্ৰী মোদীৰ আমেৰিকা ভ্ৰমণৰ পিছত দেশখনে ১০৫টা প্ৰাচীন সম্পদ ভাৰতলৈ ঘূৰাই দিছিল।
ভাৰতে কেৱল আমেৰিকাৰ পৰাই নহয় ব্ৰিটেইন আৰু অষ্ট্ৰেলিয়াৰ পৰাও নিজৰ প্ৰাচীন সম্পদ উদ্ধাৰ কৰিছে। ভাৰতে ব্ৰিটেইনৰ পৰা ১৬ টা, অষ্ট্ৰেলিয়াৰ পৰা ৪০ টা ভাৰতীয় প্ৰাচীন সম্পদ উদ্ধাৰ কৰে।
তদুপৰি ২০২৪ চনৰ জুলাই মাহত ভাৰত আৰু আমেৰিকাই প্ৰথমবাৰৰ বাবে ‘সাংস্কৃতিক সম্পত্তি চুক্তি’ত স্বাক্ষৰ কৰে। যাৰ উদ্দেশ্য আছিল ভাৰতৰ পৰা আমেৰিকালৈ ভাৰতীয় প্ৰাচীন সম্পদৰ অবৈধ সৰবৰাহ বন্ধ কৰা। কিন্তু যোৱা ১০ বছৰত প্ৰাচীন সম্পদৰ চোৰাং ব্যৱসায় বন্ধ হৈ পৰিছে। আনহাতে, বিদেশত থকা ভাৰতৰ প্ৰাচীন সম্পদবোৰ ঘূৰাই অনা হৈছে।