শ্বেখ হাছিনাৰ বিৰুদ্ধে ৰেড কৰ্ণাৰ জাননী ! বাংলাদেশ আৰক্ষীয়ে জনাইছে আবেদন

শ্বেখ হাছিনাৰ বিৰুদ্ধে ৰেড কৰ্ণাৰ জাননী জাৰি!

বাংলাদেশ আৰক্ষীৰ নেশ্যনেল চেণ্ট্ৰেল ব্যুৰো (এনচিবি)য়ে ইন্টাৰপলক ৰেড কৰ্ণাৰ নোটিচ জাৰি কৰিবলৈ আবেদন জনাইছে, য’ত বহিস্কাৰ কৰা প্ৰধানমন্ত্ৰী শ্বেখ হাছিনাকে ধৰি ১২জন লোকৰ বিৰুদ্ধে ৰেড কৰ্ণাৰ জাননী জাৰি কৰিব। ছাত্ৰ-ছাত্ৰীৰ নেতৃত্বত ব্যাপক প্ৰতিবাদৰ ফলত বাংলাদেশৰ আৱামি লীগ চৰকাৰ বিগত বছৰ পতন ঘটিছিল আৰু শ্বেখ হাছিনা (৭৭) ভাৰতলৈ পলায়ন কৰিছিল আৰু তেতিয়াৰ পৰাই তাতেই বসবাস কৰি আহিছে।

বাংলাদেশৰ সংবাদ মাধ্যমৰ বাতৰি অনুসৰি আদালত, ৰাজহুৱা অভিযুক্ত বা তদন্তকাৰী সংস্থাৰ আবেদনৰ ভিত্তিত এন চি বিয়ে এনে অনুৰোধ কৰে। আৰক্ষী মুখ্য কাৰ্যালয়ত এই কথা নিশ্চিত কৰি সাগৰে কয় যে তদন্তৰ সময়ত বা চলি থকা গোচৰৰ কাৰ্য্যবিধিৰ ক্ষেত্ৰত পোহৰলৈ অহা অভিযোগৰ সম্পৰ্কত এই আবেদন দাখিল কৰিছে।

পলায়ন কৰা লোকৰ আত্মগোপন কৰা স্থানৰ ওপৰত চকু ৰাখিছে ইন্টাৰপলে

আচলতে ইন্টাৰপলে জাৰি কৰা ৰেড কৰ্ণাৰ নোটিচ প্ৰত্যাৰ্পণ, কোনো ব্যক্তিৰ স্থান নিৰ্ণয় আৰু সাময়িকভাৱে গ্ৰেপ্তাৰ কৰাৰ বাবে ব্যৱহাৰ কৰা হয়। বহিঃৰাজ্যত বাস কৰা পলাতকসকলৰ অৱস্থাৰ ওপৰত চকু ৰাখিছে ইন্টাৰপলে। তেওঁক চিনাক্ত কৰাৰ পিছত সেই ব্যক্তিজনৰ সৈতে জড়িত তথ্যসমূহ কৰ্তৃপক্ষৰ সৈতে ভাগ কৰা হয়, যাতে তেওঁক নিজৰ দেশলৈ ঘূৰাই অনা হয়।

ICT য়ে জাৰি কৰিলে ৱাৰেণ্ট

৮ আগষ্টত মহম্মদ ইউনুছে অন্তৱৰ্তীকালীন চৰকাৰৰ মুখ্য উপদেষ্টা হিচাপে দায়িত্ব গ্ৰহণ কৰে। কাৰ্যভাৰ গ্ৰহণ কৰাৰ কেইসপ্তাহমানৰ পিছতে বাংলাদেশৰ আন্তঃৰাষ্ট্ৰীয় অপৰাধ ন্যায়াধিকৰণে শ্বেখ হাছিনা আৰু কেইবাজনো প্ৰাক্তন কেবিনেট মন্ত্ৰী, উপদেষ্টা, সামৰিক আৰু অসামৰিক বিষয়াৰ বিৰুদ্ধে ৱাৰেণ্ট জাৰি কৰে। তেওঁলোকৰ বিৰুদ্ধে ‘মানৱতাৰ বিৰুদ্ধে অপৰাধ আৰু গণহত্যাৰ’ অভিযোগ উত্থাপন হৈছে।