চীনক বাণিজ্য সম্প্ৰসাৰণৰ বাবে আমক্ৰণ ! উত্তৰ-পূব ভাৰতৰ ৭ খন ৰাজ্যকলৈ বিশেষ মন্তব্য ইউনুছৰ
চীন ভ্ৰমণৰ সময়ত বাংলাদেশক উৎপাদন, লজিষ্টিক আৰু বাণিজ্যৰ ক্ষেত্ৰত মূল আঞ্চলিক অংশীদাৰ হিচাপে স্থান দিবলৈ বেইজিঙক অনুৰোধ জনাইছে মহম্মদ ইউনুছে । তদুপৰি উত্তৰ-পূব ভাৰতৰ ৭ খন ৰাজ্যক লৈ গুৰুত্বপূৰ্ণ মন্তব্য প্ৰকাশ কৰিছে মহম্মদ ইউনুছে ।
চীনৰ সৈতে বাণিজ্যিক সম্পৰ্ক শক্তিশালি কৰাৰ ওপৰত অধিক গুৰুত্ব দিছে বাংলাদেশৰ অন্তৱৰ্তীকালীন চৰকাৰৰ মুৰব্বী মহম্মদ ইউনুছে । চীন ভ্ৰমণৰ সময়ত বাংলাদেশক উৎপাদন, লজিষ্টিক আৰু বাণিজ্যৰ ক্ষেত্ৰত মূল আঞ্চলিক অংশীদাৰ হিচাপে স্থান দিবলৈ বেইজিঙক অনুৰোধ জনাইছে মহম্মদ ইউনুছে । তদুপৰি উত্তৰ-পূব ভাৰতৰ ৭ খন ৰাজ্যক লৈ গুৰুত্বপূৰ্ণ মন্তব্য প্ৰকাশ কৰিছে মহম্মদ ইউনুছে ।
তেওঁ কয়, “পূব ভাৰতৰ সাতখন ৰাজ্য, যাক ‘সাত ভনী’ বুলি কোৱা হয়, তেওঁলোকৰ ভৌগোলিভাৱে সাগৰৰ সৈতে প্ৰত্যক্ষ সংযোগ নাই । এই ৰাজ্য কেইখন ভৌগোলিভাৱে আৱদ্ধ । এই ক্ষেত্ৰত তেওঁলোকৰ কোনো উপায় নাই ।” ইয়াৰ লগতে নিজ দেশক “সাগৰৰ এক মাত্ৰ অভিভাৱক” বুলি অভিহিত কৰি বাংলাদেশৰ জৰিয়তে চীনৰ অৰ্থনৈতিক সংযোগক সম্প্ৰসাৰণ কৰিবলৈ অনুৰোধ জনাইছে ইউনুছে ।
This is disturbing
Mohd Yunus says in Beijing that 7 states of India’s north east have no sea access
Bangladesh is the “guardian of the sea” and invites China to make this area an “extension”
The so called democratic uprising in Bangladesh was always an attack against India pic.twitter.com/EoEQIIS8Gp
— Abhishek (@AbhishBanerj) March 31, 2025
তেওঁ কয়, ” সামগ্ৰী নিৰ্মাণ কৰক, বস্তু উৎপাদন কৰক আৰু বজাৰ বৃদ্ধি কৰক । নেপালত জলবিদ্যুৎ আছে, ভূটানত জলবিদ্যুৎ আছে । আমি আমাৰ উদ্দেশ্যলৈ আনিব পাৰো। আপুনি বাংলাদেশত উৎপাদন কৰি বিক্ৰী কৰিব পাৰে।” বিষয়াসকলৰ আগত এইদৰে কয় ইউনুছে। ইফালে, এই মন্তব্যৰ উদ্দেশ্য কি সেয়া লৈ আৰম্ভ হৈছে চৰ্চা ।
ৰাষ্ট্ৰপতি ছি জিনপিঙৰ সৈতে ইউনুছে বৈঠকৰ পিছত চীনৰ সৈতে বাংলাদেশে ৯খন চুক্তি স্বাক্ষৰ কৰাৰ সময়তে এই মন্তব্য প্ৰকাশ কৰিছে । এই চুক্তিসমূহে অৰ্থনৈতিক আৰু কাৰিকৰী সহযোগিতা, আন্তঃগাঁথনি,সংস্কৃতি আৰু স্বাস্থ্যক সামৰি লৈছে।
