পাকিস্তানৰ সৈতে সম্পৰ্ক উন্নত কৰাৰ প্ৰচেষ্টা বাংলাদেশৰ! ল’লে বৃহৎ পদক্ষেপ…
বাংলাদেশৰ উচ্চায়ুক্ত ইকবাল হুছেইনে কয়, যে মুখ্য উপদেষ্টা মহম্মদ ইউনুছৰ নেতৃত্বত অন্তৱৰ্তীকালীন চৰকাৰে পাকিস্তানৰ সৈতে সম্পৰ্ক উন্নত কৰিবলৈ আগ্ৰহী আছিল যিটো যোৱা দশকত সন্তোষজনক নাছিল। তেওঁ কয় যে ১৮০ নিযুত জনসংখ্যাৰ বাংলাদেশ হৈছে এক গুৰুত্বপূৰ্ণ বজাৰ, যিয়ে পাকিস্তানক লাভান্বিত কৰিব পাৰে।
বাংলাদেশৰ ইউনুছ চৰকাৰে পাকিস্তানৰ সৈতে নিৰন্তৰ ঘনিষ্ঠতা বৃদ্ধি কৰিছে। ইয়াৰ বাবে এক বিশেষ পদক্ষেপ গ্ৰহণ কৰিছে ইউনুছ চৰকাৰে। এতিয়া পাকিস্তানী নাগৰিকসকলৰ বাবে তেওঁলোকৰ ভিছা নীতি সলনি কৰি সহজ কৰি তুলিছে বাংলাদেশে। বাংলাদেশৰ উচ্চায়ুক্ত ইকবাল হোছেইন খানৰ লাহোৰ চেম্বাৰ অফ কমাৰ্চ এণ্ড ইণ্ডাষ্ট্ৰী (LCCI) ) ভ্ৰমণৰ সময়ত পাকিস্তানত সময়ত এই ঘোষণা কৰা হৈছিল। য’ত তেওঁ ব্যৱসায়িক নেতাসকলক সম্বোধন কৰে।
ইকবাল হুছেইন খানে শনিবাৰে লাহোৰ চেম্বাৰ অৱ কমাৰ্চ এণ্ড ইণ্ডাষ্ট্ৰী (LCCI)ত এক বৈঠকত কয় যে বাংলাদেশ চৰকাৰে পাকিস্তানীসকলৰ বাবে অৰ্থনৈতিক আৰু ব্যৱসায়িক সম্পৰ্ক শক্তিশালী কৰাৰ বাবে ইয়াৰ ভিছা প্ৰক্ৰিয়া সৰল কৰি তুলিছে।
বাংলাদেশী উচ্চায়ুক্তগৰাকীক আদৰণি জনাই LCCIৰ সভাপতি মিয়ান আবুজাৰ শাদে। এই সময়ত দ্বিমুখী বাণিজ্য বৃদ্ধিৰ ওপৰত গুৰুত্ব আৰোপ কৰা হয়। বিগত বছৰত পাকিস্তান-বাংলাদেশৰ বাণিজ্য আছিল ৭১৮ মিলিয়ন ডলাৰ। উল্লেখ্য যে, বাংলাদেশলৈ পাকিস্তানৰ ৰপ্তানিৰ পৰিমাণ আছিল ৬৬১ মিলিয়ন ডলাৰ, আনহাতে আমদানি আছিল ৫৭ মিলিয়ন ডলাৰ। ২০২৪-২৫ বিত্তীয় বৰ্ষৰ প্ৰথম পাঁচ মাহত বাংলাদেশলৈ পাকিস্তানৰ ৰপ্তানি ৩১৪ নিযুত ডলাৰলৈ বৃদ্ধি পাইছে, আনহাতে আমদানি ৩১ নিযুত ডলাৰ হৈছে।
ইকবাল হুছেইনে তথ্য প্ৰযুক্তি, ফাৰ্মাচিউটিকেল, চাউল, অস্ত্ৰোপচাৰৰ সঁজুলি আৰু স্বয়ংচালিত অংশকে ধৰি ব্যৱসায় সম্প্ৰসাৰণৰ বাবে গুৰুত্বপূৰ্ণ খণ্ডবোৰ চিনাক্ত কৰাৰ প্ৰয়োজনীয়তাৰ ওপৰত গুৰুত্ব আৰোপ কৰে।
হুছেইনে কয়, যে মুখ্য উপদেষ্টা মহম্মদ ইউনুছৰ নেতৃত্বত অন্তৱৰ্তীকালীন চৰকাৰে পাকিস্তানৰ সৈতে সম্পৰ্ক উন্নত কৰিবলৈ আগ্ৰহী আছিল যিটো যোৱা দশকত সন্তোষজনক নাছিল। তেওঁ কয় যে ১৮০ নিযুত জনসংখ্যাৰ বাংলাদেশ হৈছে এক গুৰুত্বপূৰ্ণ বজাৰ, যিয়ে পাকিস্তানক লাভান্বিত কৰিব পাৰে।
SAARC পুনৰুজ্জীৱিত কৰাৰ ওপৰত গুৰুত্ব আৰোপ
তেওঁ আঞ্চলিক বাণিজ্য আৰু সহযোগিতা বৃদ্ধিৰ বাবে দক্ষিণ এছিয়াৰ আঞ্চলিক সহযোগিতা সংস্থা (SAARC)ক পুনৰুজ্জীৱিত কৰিবলৈ আহ্বান জনায়। তেওঁ জোৰ দি কয় যে আন্তঃৰাষ্ট্ৰীয় পৰ্যায়ত আঞ্চলিক সহযোগিতা বৃদ্ধি পোৱা স্বত্বেও দক্ষিণ এছিয়াই এতিয়াও প্ৰত্যাহ্বানৰ সন্মুখীন হৈছে যাৰ পৰা আঁতৰি যাবলৈ সামূহিক প্ৰচেষ্টাৰ প্ৰয়োজন। লগতে উচ্চায়ুক্তগৰাকী কয় যে নতুন প্ৰজন্মৰ বাবে সুযোগ সৃষ্টি কৰা আৰু পাৰস্পৰিক বাণিজ্য আৰু সহযোগিতাৰ বাধা আঁতৰ কৰাটো দুয়োখন দেশৰ দায়িত্ব।
