হিন্দুৰ ওপৰত আক্ৰমণৰ পৰা সীমান্ত সুৰক্ষালৈ, মঃ ইউনুছৰ সৈতে কি কি আলোচনা কৰিলে প্ৰধানমন্ত্ৰী মোদীয়ে?
হাছিনাৰ চৰকাৰৰ পতনৰ পাচত ঢাকাত অন্তৱৰ্তীকালীন চৰকাৰৰ মুখ্য উপদেষ্টা হিচাপে দায়িত্ব লোৱা শান্তি বঁটা বিজয়ী মহম্মদ ইউনুছে বেংককত অনুষ্ঠিত বিমষ্টেক শীৰ্ষ সন্মিলনৰ সময়ত মোদীক সাক্ষাৎ কৰে । তেওঁলোকৰ বৈঠকৰ অন্তত প্ৰকাশ পোৱা বিবৃতি অনুসৰি প্ৰধানমন্ত্ৰী মোদীয়ে দুয়োখন দেশৰ সহযোগিতাই দুয়োখন দেশৰ জনসাধাৰণৰ বাবে স্পষ্ট লাভ কঢ়িয়াই অনা বুলিও আলোকপাত কৰে ।
বেংককত অনুষ্ঠিত বিমষ্টেক সন্মিলনৰ সময়তে বৈঠকত মিলিত হ’ল প্ৰধানমন্ত্ৰী নৰেন্দ্ৰ মোদী আৰু বাংলাদেশৰ অন্তৱৰ্তীকালীন চৰকাৰৰ মুখ্য উপদেষ্টা মহম্মদ ইউনুছ । ছাত্ৰ আন্দোলনৰ ফলত বাংলাদেশৰ হাছিনা চৰকাৰৰ পতনৰ পাচত তদাৰকী চৰকাৰৰ মূৰব্বী হিচাপে দায়িত্ব গ্ৰহণ কৰিছিল ইউনুছে । শেহতীয়াকৈ ভাৰতৰ সৈতে বাংলাদেশৰ সম্পৰ্কত কিছু তিক্ততা আহি পৰিছে । অতি শেহতীয়াভাৱে চীন ভ্ৰমণৰ সময়ত ইউনুছে উত্তৰ-পূব ভাৰত আৰু সাগৰক লৈ কৰা মন্তব্যই তীব্ৰ প্ৰতিক্ৰিয়া সৃষ্টি কৰিছে । তাৰ মাজতেই ইউনুছ দায়িত্বলৈ অহাৰ পাচত নৰেন্দ্ৰ মোদীৰ সৈতে এয়া প্ৰথম বৈঠক ।
প্ৰধানমন্ত্ৰী নৰেন্দ্ৰ মোদীয়ে শুকুৰবাৰে বাংলাদেশৰ মুখ্য উপদেষ্টা মহম্মদ ইউনুছক কোনো ধৰণৰ প্ৰৰোচনামূলক বাক্যবাণ এৰাই চলি তাৰ পৰিৱৰ্তে ভাৰতৰ সৈতে গঠনমূলক আৰু সু-সম্পৰ্ক গঢ়ি তোলাত মনোনিৱেশ কৰিবলৈ আহ্বান জনায় বুলি বৈদেশিক পৰিক্ৰমা মন্ত্ৰণালয়ে প্ৰকাশ কৰিছে । বাংলাদেশৰ মুখ্য উপদেষ্টা মহম্মদ ইউনুছৰ সৈতে হোৱা প্ৰথমখন বৈঠকত প্ৰধানমন্ত্ৰী মোদীয়ে কয়, “পৰিৱেশক ক্ষতিগ্ৰস্ত কৰা যিকোনো বাক্যবাণ এৰাই চলাটোৱেই উত্তম”। প্ৰধানমন্ত্ৰীয়ে কয় যে এনে পন্থাই দুয়োখন ৰাষ্ট্ৰক সহায় কৰিব ।
Met Mr. Muhammad Yunus, Chief Adviser of the interim government of Bangladesh. India remains committed to a constructive and people-centric relationship with Bangladesh.
I reiterated India’s support for peace, stability, inclusivity and democracy in Bangladesh. Discussed… pic.twitter.com/4UQgj8aohf
— Narendra Modi (@narendramodi) April 4, 2025
হাছিনাৰ চৰকাৰৰ পতনৰ পাচত ঢাকাত অন্তৱৰ্তীকালীন চৰকাৰৰ মুখ্য উপদেষ্টা হিচাপে দায়িত্ব লোৱা শান্তি বঁটা বিজয়ী মহম্মদ ইউনুছে বেংককত অনুষ্ঠিত বিমষ্টেক শীৰ্ষ সন্মিলনৰ সময়ত মোদীক সাক্ষাৎ কৰে । তেওঁলোকৰ বৈঠকৰ অন্তত প্ৰকাশ পোৱা বিবৃতি অনুসৰি প্ৰধানমন্ত্ৰী মোদীয়ে দুয়োখন দেশৰ সহযোগিতাই দুয়োখন দেশৰ জনসাধাৰণৰ বাবে স্পষ্ট লাভ কঢ়িয়াই অনা বুলিও আলোকপাত কৰে ।
চীনৰ সৈতে হোৱা দ্বিপাক্ষিক আলোচনাত মহম্মদ ইউনুছে ভাৰতৰ উত্তৰ-পূবক “লেণ্ড লক্ অঞ্চল” বুলি অভিহিত কৰাৰ লগতে বাংলাদেশক অঞ্চলটোৰ বাবে “সাগৰীয় প্ৰৱেশৰ ৰক্ষক” হিচাপে স্থান দিয়াৰ কেইদিনমান পিছতে প্ৰধানমন্ত্ৰী মোদীয়ে এই মন্তব্য আগবঢ়াইছে । বাংলাদেশী নেতাগৰাকীৰ এই মন্তব্যক ভাৰতীয় নেতাসকলে চোকা ভাষাৰে সমালোচনা কৰে । বৈদেশিক পৰিক্ৰমা মন্ত্ৰী এছ জয়শংকৰে বহু খণ্ডৰ কাৰিকৰী আৰু অৰ্থনৈতিক সহযোগিতাৰ বাবে বে’ অৱ বেংগল ইনিচিয়েটিভ (বিমষ্টেক)ত ভাৰতৰ কৌশলগত ভূমিকাক আলোকপাত কৰে ।
Profsssor Muhammad Yunus is presenting a photo to Prime Minister Narendra Modi during their bilateral meeting in Bangkok on Friday. The photo is about Prime Minister Narendra Modi presenting a gold medal to Professor Yunus at the 102nd Indian Science Congress on January 3, 2015 pic.twitter.com/lsikvMOWT4
— Chief Adviser of the Government of Bangladesh (@ChiefAdviserGoB) April 4, 2025
“আমাৰ বংগ উপসাগৰৰ আটাইতকৈ দীঘল উপকূল, প্ৰায় ৬,৫০০ কিলোমিটাৰ । ভাৰতে পাঁচ বিমষ্টেক সদস্যৰ সৈতে সীমান্ত ভাগ কৰে, ইয়াৰে অধিকাংশকে সংযোগ কৰে । ভাৰত উপমহাদেশ আৰু আছিয়ানৰ মাজত সংযোগস্থলৰো বহুখিনি প্ৰদান কৰে । বিশেষকৈ আমাৰ উত্তৰ-পূব অঞ্চলটোৱে বিমষ্টেকৰ বাবে সংযোগ কেন্দ্ৰ হিচাপে আত্মপ্ৰকাশ কৰিছে, ইয়াত স্থলপথ, ৰেলৱে, জলপথ, গ্ৰীড আৰু পাইপলাইনৰ অসংখ্য নেটৱৰ্কৰ গঢ়ি উঠিছে ।” জয়শংকৰে এক বিবৃতিত এইদৰে কয় ।
শ্বেখ হাছিনাৰ প্ৰত্যাৰ্পণ সন্দৰ্ভত ভাৰতৰ স্থিতি
বাংলাদেশে শ্বেখ হাছিনাক ঢাকালৈ প্ৰত্যাৰ্পণৰ বাবে ভাৰতক কোনো আনুষ্ঠানিক অনুৰোধ কৰিছে নেকি বুলি সোধাত বৈদেশিক সচিব বিক্ৰম মিশ্ৰীয়ে নিশ্চিত কৰে যে বাংলাদেশে আনুষ্ঠানিক অনুৰোধ জনাইছে । দুয়োজন শীৰ্ষ নেতাই হাছিনাৰ প্ৰত্যাৰ্পণ সন্দৰ্ভত বাংলাদেশৰ অনুৰোধৰ বিষয়ে আলোচনা কৰে বুলি মিশ্ৰীয়ে কয় ।
ছাত্ৰ-ছাত্ৰীৰ নেতৃত্বত ব্যাপক প্ৰতিবাদৰ সন্মুখত হাৰ মানি বিগত আগষ্টত নেতা শ্বেখ হাছিনাই দেশৰ পৰা পলায়ন কৰি ভাৰতত আশ্ৰয় লয় । তাৰ পাছতেই ভাৰত আৰু বাংলাদেশৰ মাজৰ সম্পৰ্কৰ অৱনতি ঘটিছে ।
সংখ্যালঘুৰ সুৰক্ষাক লৈ উদ্বেগ প্ৰকাশ প্ৰধানমন্ত্ৰী মোদীৰ
ইউনুছৰ সৈতে হোৱা আলোচনাৰ সময়ত প্ৰধানমন্ত্ৰী মোদীয়ে বাংলাদেশত হিন্দুকে ধৰি সংখ্যালঘুসকলৰ সুৰক্ষা আৰু নিৰাপত্তাৰ ক্ষেত্ৰত ভাৰতৰ উদ্বেগক আলোকপাত কৰে । বৈদেশিক সচিব বিক্ৰম মিশ্ৰীয়ে কয়, “প্ৰধানমন্ত্ৰী মোদীয়ে গণতান্ত্ৰিক, সুস্থিৰ, শান্তিপূৰ্ণ, প্ৰগতিশীল আৰু সৰ্বাংগীন বাংলাদেশৰ প্ৰতি ভাৰতৰ সমৰ্থন পুনৰবাৰ উল্লেখ কৰে । তেওঁ প্ৰফেচৰ ইউনুছৰ বাংলাদেশৰ সৈতে ইতিবাচক আৰু গঠনমূলক সম্পৰ্ক গঢ়ি তোলাৰ ইচ্ছাৰ ওপৰত আলোকপাত কৰে । পৰিৱেশ বিকৃত কৰা যিকোনো বাক্যবাণ এৰাই চলাটোৱেই উত্তম বুলিও আহ্বান জনায় ।”
সীমান্ত সুৰক্ষা বিষয়ত মোদী
নিৰাপত্তা আৰু সীমান্তৰ উদ্বেগ সন্দৰ্ভত মোদীয়ে বিশেষকৈ নিশাৰ সময়ত অবৈধভাৱে সীমান্ত পাৰ হোৱা প্ৰক্ৰিয়া ৰোধৰ বাবে কঠোৰ আইন প্ৰয়োগৰ প্ৰয়োজনীয়তাৰ ওপৰত গুৰুত্ব আৰোপ কৰে । বিবৃতিটোত কোৱা হৈছে যে সীমান্তৰ নিৰাপত্তা আৰু স্থিতিশীলতা বজাই ৰখাৰ বাবে সীমান্তত কঠোৰ আইনৰ বলবৎকৰণ আৰু বিশেষকৈ নিশাৰ সময়ত অবৈধ সীমান্ত পাৰ হোৱা প্ৰক্ৰিয়া ৰোধ কৰাটো প্ৰয়োজনীয় ।
ভাৰতীৰ প্ৰধানমন্ত্ৰীয়ে লগতে পৰামৰ্শ দিয়ে যে দুয়োখন ৰাষ্ট্ৰই দ্বিপাক্ষিক ব্যৱস্থাৰ জৰিয়তে বৈঠকত মিলিত হৈ সহযোগিতা পুনৰীক্ষণ কৰি নিজৰ সম্পৰ্ক সুদৃঢ় কৰি ৰাখিব পাৰে ।
বাংলাদেশী বিবৃতিত উল্লেখ কৰা অনুসৰি মোদীৰ উদ্বেগৰ প্ৰতিক্ৰিয়া প্ৰকাশ কৰি ইউনুছে কয় যে সংখ্যালঘুসকলৰ ওপৰত আক্ৰমণৰ বাতৰি “ব্যাপকভাৱে প্ৰৰোচনামূলক” আৰু “তাৰ বেছিভাগেই ভুৱা বাতৰি”। মোদীক এই আক্ৰমণৰ তদন্তৰ বাবে বাংলাদেশলৈ সাংবাদিক পঠিয়াবলৈ আহ্বান জনোৱাৰ উপৰিও ইউনুছৰ চৰকাৰে ধৰ্মীয় হিংসাৰ ওপৰত নিৰীক্ষণৰ ব্যৱস্থা গঢ়ি তুলিছে । লগতে তেওঁৰ চৰকাৰে এনে ঘটনা ৰোধৰ বাবে “গুৰুতৰ ব্যৱস্থা” গ্ৰহণ কৰিছে বুলিও বিবৃতিত উল্লেখ ।
