ষড়যন্ত্ৰ বিফল! ভাৰতীয় চোৰাংচোৱাই প্ৰাণ বচালে বাংলাদেশৰ সেনা প্ৰধানৰ

Bangladesh Army Chief

যোৱা সপ্তাহত অভ্যুত্থানৰ চেষ্টা চলিছিল বাংলাদেশত । সেনা প্ৰধান জেনেৰেল ৱাকাৰ-উজ-জামানৰ বিৰুদ্ধে চেষ্টা চলিছিল অভ্যুত্থানৰ । কিন্তু ভাৰতে সেই প্ৰচেষ্টা বিফল কৰে । বাংলাদেশৰ চোৰাংচোৱা সংস্থা বাহিনী Directorate General of Forces Intelligence-ৰ জ্যেষ্ঠ বিষয়াৰ পৰা কেইবাটাও তথ্য লাভ কৰা গৈছে । জেনেৰেল ৱাকাৰ-উজ-জামানে বাংলাদেশৰ কট্টৰপন্থীৰ হেঁচাত সেও মনা নাছিল । বৰঞ্চ তেওঁ মৌলবাদীসকলক এবাৰতকৈ অধিক সকীয়াই দিছে । তেওঁ কথা-কাৰ্যৰ জৰিয়তে বুজাবলৈ চেষ্টা কৰিছিল যে সেনাক আইন-শৃংখলাত হস্তক্ষেপ কৰিবলৈ বাধ্য কৰাব নালাগে । একে সময়তে তেওঁ পাকিস্তানৰ সৈতে সামৰিক চুক্তিৰ ফাইলত ক্ষিপ্ৰতাৰে স্বাক্ষৰ কৰিব বিচৰা নাছিল ।

পাকিস্তানৰ চোৰাংচোৱা সংস্থা আই এছ আইয়ে তেওঁক অপসাৰণ কৰাৰ পৰিকল্পনা কৰিছিল । এই কাৰণতে বাংলাদেশৰ সেনাৰ কেইবাজনো কঠোৰপন্থী আৰু পাকিস্তানী সমৰ্থক বিষয়াক বাছনি কৰা হৈছিল । এই অভ্যুত্থানৰ মূল দায়িত্ব লেফটেনেণ্ট জেনেৰেল মহম্মদ ফৈজুৰ ৰহমানক দিয়া হৈছিল । অৱশ্যে ভাৰতীয় চোৰাংচোৱাই এই খবৰ লাভ কৰে । তেওঁলোকে ব্যক্তিগতভাৱে বাংলাদেশৰ সেনা প্ৰধানক সকীয়াই দিয়ে ।

এই বিষয়ে আমেৰিকা আৰু ইউৰোপৰ কেইবাখনো দেশতো খবৰ দিয়া হৈছিল । দিল্লীৰ কথা শুনি তেওঁলোকে বিষয়টোৰ গুৰুত্ব বুজি পায় । পশ্চিমীয়া বিশ্বৰ পৰা মহম্মদ ইউনুছলৈ এটা বাৰ্তা আহে, যে আপোনাৰ সেনা প্ৰধানৰ বিৰুদ্ধে অভ্যুত্থান হ’বলৈ ওলাইছে । আপুনি বাধা দিয়ক । ঢাকাৰ পৰা ভাৰতীয় চোৰাংচোৱা এজেণ্টে ৱাকাৰ-উজ-জামানক আমেৰিকাৰ সেনা বিষয়াৰ সৈতে চিনাকি কৰাই দিছিল ।

জানিব পৰা মতে বাংলাদেশৰ সেনা প্ৰধানৰ যোগাযোগ যন্ত্ৰত টেপ কৰিবলৈ আৰম্ভ কৰিছে । ভাৰতৰ পৰামৰ্শ মতে জেনেৰেল ৱাকাৰ-উজ-জামানে ১৩ মাৰ্চত মধ্য আফ্ৰিকান গণৰাজ্য ভ্ৰমণ কৰিছিল । দেখা গৈছে যে তেওঁ তাত নিয়োজিত বাংলাদেশী শান্তিৰক্ষী বাহিনীৰ সৈতে কথা পাতিবলৈ গৈছিল । দৰাচলতে মধ্য আফ্ৰিকান ৰিপাব্লিকত তেওঁৰ সৈতে মুখামুখিকৈ ​​কথা পাতিছিল আমেৰিকান সেনাৰ শীৰ্ষ বিষয়াসকলে ।

ম্যানমাৰৰ দৰে পৰিস্থিতি যাতে হাতৰ পৰা নাযায় তাৰ প্ৰতি লক্ষ্য ৰাখিব । জেনেৰেল ৱাকাৰ-উজ-জামানে আমেৰিকাৰ সেনাবাহিনীক এই আশ্বাস দিছিল । তাৰ পিছত সেনাধ্যক্ষক সুৰক্ষা দিবলৈ ইউনুছ চৰকাৰৰ ওপৰত হেঁচা বাঢ়িল । অৱশ্যে বাংলাদেশত থকা পাকিস্তানী সমৰ্থক সেনা বিষয়াসকলে সকলো জানে । সিদ্ধান্ত লোৱা হৈছিল যে ৬ মাৰ্চত ঢাকালৈ উভতি অহাৰ পিছত ৱাকাৰ-উজ-জামানক গ্ৰেপ্তাৰ কৰা হ’ব ।

অৱশ্যে এইবাৰো ভাৰতীয় চোৰাংচোৱাই এই খবৰ আগতীয়াকৈ লাভ কৰিলে । তেওঁলোকৰ পৰামৰ্শ মতে বাংলাদেশৰ সেনা প্ৰধানজনে ঢাকাৰ সলনি তেজগাঁও এয়াৰবেছত অৱতৰণ কৰে । তাত তেওঁক তেওঁৰ নিষ্ঠাবান সেনা বিষয়াসকলে সাক্ষাৎ কৰে । সেই সময়ত সেই বিষয়াসকলে নিৰ্দেশ দিয়া মতে যিকোনো কাৰ্যৰ বাবে জোৱানসকলক সাজু কৰি ৰখা হৈছিল । তাৰ পিছত বিশাল নিৰাপত্তা বাহিনী লৈ ৱাকাৰ-উজ-জামান ঢাকালৈ আহে ।

নিষ্ঠাবান বিষয়াসকলে তেওঁৰ ঘৰ আৰু কাৰ্যালয় ঘেৰি ধৰে । একে সময়তে আমেৰিকাৰ পৰা ইউনুছলৈ এটা আলটিমেটাম আহি পৰে । মুঠতে অভ্যুত্থানৰ পৰিকল্পনা বিফল হয় । অৱশ্যে বাংলাদেশৰ সেনাধ্যক্ষৰ জীৱনৰ ভয় এতিয়াও নোহোৱা হোৱা নাই । ভৱিষ্যতে কি হ’ব সেয়া গুৰুত্বপূৰ্ণ কথা । এই খবৰ ভাৰত বা বাংলাদেশত চৰকাৰী পৰ্যায়ত কোনেও নিশ্চিত কৰা নাই ।