বাংলাদেশৰ নিৰ্বাচনত নাথাকিব পাৰে হাছিনা, কিদৰে যুঁজিব আৱামী লীগে?

শীঘ্ৰে বাংলাদেশত সাধাৰণ নিৰ্বাচন অনুষ্ঠিত হ’ব পাৰে । দেশখনৰ বিভিন্ন ৰাজনৈতিক দলে নিৰ্বাচনৰ প্ৰস্তুতিত ব্যস্ত হৈ পৰিছে । ১৫ বছৰৰ পাছত এনে এক নিৰ্বাচন হ’ব, য’ত শ্বেখ হাছিনা হয়তো নাথাকিব বাংলাদেশৰ নিৰ্বাচনত । যোৱা বছৰৰ শেহৰফালে চৰকাৰ বিৰোধী প্ৰতিবাদৰ পিছত আৱামী লীগৰ মুৰব্বী শ্বেখ হাছিনাৰ চৰকাৰ পতন ঘটিছিল আৰু বৰ্তমান মহম্মদ ইউনুছৰ নেতৃত্বত এখন অন্তৱৰ্তীকালীন চৰকাৰে দেশখন চলাই আছে । ছাত্ৰ আন্দোলনত সেওঁ মানি হাছিনাই পলায়ন কৰিছিল ভাৰতলৈ ।

হাছিনাৰ অভ্যুত্থানৰ পিছত তেওঁৰ দল আৱামী লীগৰ নেতাসকলৰ বিৰুদ্ধে হিংসাৰ বহু খবৰ ওলাইছিল আৰু নতুন চৰকাৰৰ ওপৰত তেওঁৰ দলক নিষিদ্ধ কৰাৰ দাবীও উত্থাপন হৈছিল । এইবাৰ আৱামী লীগ যেন নির্বাচনৰ পৰা আঁতৰি আছে, হাছিনাৰ সমৰ্থকে অতি চতুৰতাৰে আগন্তুক বাংলাদেশৰ নির্বাচনত অংশগ্রহণ কৰিবলৈ চেষ্টা কৰিছে ৷

হাছিনাৰ মানুহ আন ৰাজনৈতিক দলত প্ৰৱেশ কৰিছে
এতিয়া আৱামি লীগৰ সলনি আন দলত যোগদান কৰিবলৈ বিচাৰিছে হাছিনাৰ মানুহে, যাতে এই নিৰ্বাচনত নিজৰ স্থান দখল কৰিব পাৰে । হাছিনাৰ বিৰোধীসকলে যেতিয়া এই বিষয়ে জানিব পাৰে তেতিয়া প্ৰতিক্ৰিয়াৰ সৃষ্টি হ’ল । ছাত্ৰ-ছাত্ৰীৰ আন্দোলনৰ দ্বাৰা গঠিত নেশ্যনেল চিটিজেনছ পাৰ্টিৰ সম্পাদক আখতাৰ হুছেইনে কয় যে বাংলাদেশত আৱামী লীগে গণহত্যা আৰু মানৱতাৰ বিৰুদ্ধে অপৰাধ সংঘটিত কৰাৰ বাবে পুনৰ সংস্থাপন তেওঁলোকে মানি নলয় ।

শুকুৰবাৰে নিশা ৰংপুৰ চেম্বাৰ বিল্ডিঙত এনচিপিৰ আয়োজকসকলৰ সৈতে হোৱা বৈঠকৰ পিছত এজন সাংবাদিকৰ প্ৰশ্নৰ উত্তৰত তেওঁ এই মন্তব্য কৰে । আখতাৰে লগতে কয় যে যদি আৱামী লীগৰ কোনোবাই দলত যোগ দিবলৈ চেষ্টা কৰে তেন্তে তেওঁক আইনৰ হাতত গতাই দিয়া হ’ব ।

ছাত্ৰ দলত হাছিনাৰ লোকৰ কোনো স্থান নাই
আখতাৰ হুছেইনে কয়, “আৱামী লীগৰ কোনোবাই যদি ৰাষ্ট্ৰীয় নাগৰিক পাৰ্টিৰ কোনো কাৰ্যসূচীত যোগদান কৰিবলৈ সাহস কৰে তেন্তে আমি তেওঁৰ বিৰোধিতা কৰিম । অনুপ্ৰৱেশকাৰীক আমি আইনৰ হাতত গতাই দিম ।” তেওঁ আৰু কয়, “আমি বিশ্বাস কৰোঁ যে যিসকলে বাংলাদেশত ফেচিবাদ জাপি দিছে তেওঁলোকৰ কোনো ধৰণে বাংলাদেশত ৰাজনীতি কৰাৰ কোনো নৈতিক অধিকাৰ নাই ।”

অহা ৫ বছৰলৈ প্ৰধানমন্ত্ৰী হৈ থাকিব ইউনুছ!
এই বৈঠকৰ অন্তত এজন সাংবাদিকে মহম্মদ ইউনুছক পাঁচ বছৰৰ বাবে বাংলাদেশৰ প্ৰধানমন্ত্ৰী হিচাপে দেখাৰ দাবী সন্দৰ্ভত সোধাত এন চি পিৰ উত্তৰ মণ্ডলৰ মুখ্য আয়োজক চাৰ্জিছ আলমে কয়, ‘‘মই ভাবো যে অধ্যাপক মহম্মদ ইউনুছৰ দৰে এজন যোগ্য আৰু দক্ষ ব্যক্তিৰহে এতিয়া বাংলাদেশৰ প্ৰধানমন্ত্ৰী হোৱাৰ যোগ্যতা আছে । আন্তঃৰাষ্ট্ৰীয় পৰ্যায়তো তেওঁৰ সামৰ্থ আৰু দক্ষতাক প্ৰশংসা কৰা হয় ।”