বৰ ভূঁইকপে জোকাৰি যাব এইখন দেশ! য’ত প্ৰাণ হেৰুৱাব পাৰে ৩ লাখ লোকে…
কিছুদিন পূৰ্বে ম্যানমাৰৰ হোৱা ভূমিকম্পৰ চাঞ্চল্য এতিয়ালৈকে মাৰ যোৱা নাই। এই ভূমিকম্পত প্ৰায় ২,৯০০ লোকে প্ৰাণ হেৰুৱাইছে। ইয়াৰ মাজতে সতৰ্কবাণী দিছে বৰভূঁকপৰ। যিয়ে প্ৰাণ কাঢ়িব পাৰে ৩ লাখ লোকৰ।
ম্যানমাৰৰ ভূমিকম্পই সমগ্ৰ বিশ্বতে উত্তপ্ত পৰিস্থিতিৰ সৃষ্টি কৰিছে। ৭.৭ প্ৰাৱল্যৰ ভূমিকম্পই দেশখন জোকাৰি যোৱাৰ পাছত আজি পৰ্যন্ত মৃতদেহ উদ্ধাৰত ব্যস্ত আছে উদ্ধাৰকাৰী দল। বৰ্তমানলৈকে প্ৰায় ২৯০০ টা মৃৃতদেহ উদ্ধাৰ হোৱাৰ লগতে ৪,০০০তকৈ অধিক লোক আহত হৈছে। এতিয়াও চলি আছে উদ্ধাৰ অভিযান, পৰৱৰ্তী সময়ত মৃত্যুৰ সংখ্যা আৰু অধিক বৃদ্ধি পোৱাৰ সম্ভাৱনা আছে। মন্যামাৰৰ এই ভূমিকম্পৰ পাছত বিশ্বৰ বিভিন্ন প্ৰান্তত ভূমিকম্পৰ জোকাৰণি অনুভৱ হয়।
ইয়াৰ মাজতে জাপানে দিয়া এক সতৰ্কবাণীয়ে তীব্ৰ চাঞ্চল্যৰ সৃষ্টি কৰিছে। দেশখনৰ চৰকাৰী এজেন্সীৰ প্ৰতিবেদন অনুসৰি, জাপানত বৰ ভুঁইকপ অহাৰ সম্ভাৱনা আছে। যাৰ ফলত ধ্বংসলীলাৰ সৃষ্টি হোৱাৰ সম্ভাৱনা আছে । ইমানেই নহয়, এই বৰ ভূঁইকপৰ ফলত কেইটামান মিনিটতে লাখ লাখ মানুহৰ মৃত্যু হ’ব পাৰে। এই বৰ ভূঁইকপৰ ফলত ছুনামীৰ আহিব পাৰে যাৰ ফলত কেইবাখনো চহৰ পানীত ডুব যাব পাৰে।
সংবাদ সংস্থা AFP ৰ প্ৰতিবেদন অনুসৰি, জাপান চৰকাৰে ইতিমধ্যে সতৰ্কবাণী জাৰি কৰিছে, যদিহে ৯ প্ৰাৱল্যৰ ভূমিকম্প আহে তেন্তে ১৩ লাখ মানুহ গৃহহীন হ’ব পাৰে। ইয়াৰোপৰি ছুনামী, অট্টালিকা আদি ভাঙি যোৱাৰ ফলত ক’মেও ৩ লাখ মানুহে প্ৰাণ হেৰুৱাব পাৰে। যদি এনে হয়, তেতিয়া জাপানৰ অৰ্থনীতিত ২ ট্ৰিলিয়ন ডলাৰ (অৰ্থাৎ ১৭১ লাখ কোটিতকৈ অধিক) লোকচান হ’ব। ইয়াৰ পূৰ্বে ২০১৪ চনত নানকাইত বৰ ভূঁইকপ সন্দৰ্ভত অনুমান কৰিছিল, য’ত ৩ লাখ ২৩ হাজাৰ লোকৰ মৃত্যু হ’ব বুলি ভৱিষ্যদ্বাণী কৰিছিল।
কাৰণ কি
নানকাই খাদ হৈছে টকিঅ’ৰ পশ্চিমে শ্বিজুওকাৰ পৰা কিউছুৰ দক্ষিণ প্ৰান্তলৈকে ৮০০ কিলোমিটাৰ (৫০০ মাইল) দীঘল সাগৰৰ তলৰ খাদ। ইয়াত ফিলিপীনী সাদৰৰ টেকটনিক প্লেটখন লাহে লাহে মহাদেশীয় প্লেটৰ তলত ডুব গৈ আছে। ইয়াৰ ওপৰতে নিৰ্ভৰশীল জাপান। সময়ৰ লগে লগে এই প্লেট বন্ধ হৈ যায় আৰু তাত শক্তি জমা হয়। ইয়ে পাছলৈ বৰ ভূঁইকপৰ ৰূপ লয়।
বৰ ভূঁইকপ কি
বৰ ভূঁইকপ আটাইতকৈ শক্তিশালী ভূমিকম্প। যাৰ প্ৰাৱল্য ৮ বা তাতকৈ বেছি হয়। বৰভূঁইকপে ধ্বংসলীলাৰ সৃষ্টি কৰাৰ লগতে ছুনামী আনিব পাৰে। উল্লেখ কৰা প্ৰয়োজন যে, যোৱা ১৪০০ বছৰত নানকাই খাদত প্ৰত্যোক ১০০ৰ পৰা ২০০ বছৰত বৰ ভূঁইকপ গৈছে। শেষৰ বাৰৰ বাবে ১৯৪৬ চনত বৰ ভূঁইকপ আহিছিল।
ভূমিকম্পৰ ভৱিষ্যতবাণী কৰা এতিয়াও অতি কঠিন। কিন্তু তাৰ পাছতো, চৰকাৰী পেনেলে আগন্তুক ৩০ বছৰত আগন্তুক ৩০ বছৰত বৰ ভূঁইকপ অহাৰ ৭৫-৮২ শতাংশ সম্ভাৱনা আছে বুলি উল্লেখ কৰিছে। ২০১১ চনৰ মাৰ্চ মাহত জাপানক ৯ প্ৰাৱল্যৰ ভূমিকম্পই জোকাৰি গৈছিল, যত প্ৰায় ১৮,৫০০ লোকৰ মৃত্যু বা বহু সন্ধানহীন হৈছিল। ইয়াৰ ফলত ফুকচিমা পাৰমাণৱিক প্লাণ্টৰ তিনিটা ৰিয়েক্টৰ গলি গৈছিল, যি যুদ্ধৰ পাছত দেশখনত ভয়াৱহ দুৰ্যোগ আৰু চেৰ্নোবিলৰ পিছত আটাইতকৈ ভয়াৱহ পাৰমাণৱিক দুৰ্ঘটনা আছিল।
অন্য খবৰ পঢ়কঃ ৭.১ প্ৰাৱল্যৰ ভয়ংকৰ ভূমিকম্পই জোকাৰি গ’ল দেশ, ছুনামিৰ সতৰ্কবাণী জাৰি…
