Nobel Prize in Physics 2024: এই বছৰ পদাৰ্থ বিজ্ঞানৰ ন’বেল বঁটা কি অনুসন্ধানৰ বাবে প্ৰদান কৰা হৈছে? জানক
জন হপফিল্ড আৰু জেফ্ৰী ই হিণ্টনক ২০২৪ চনৰ পদাৰ্থ বিজ্ঞানৰ ন'বেল বঁটা প্ৰদান কৰা হৈছে। এই সন্মানৰ লগতে তেওঁলোকক ১১ মিলিয়ন ছুইডিছ ক্ৰ’ন’ৰ (প্ৰায় ₹ ৮.৩ কোটি) নগদ ধনেৰেও সন্মানিত কৰা হৈছে।
২০২৪ চনৰ পদাৰ্থ বিজ্ঞানৰ ন’বেল বঁটা লাভ কৰে আমেৰিকাৰ জন জে হপফিল্ড আৰু জেফ্ৰি ই হিণ্টনে। ১৯০১ চনৰ পৰা ১০০২ জন ব্যক্তি আৰু সংগঠনক ৬২২ বাৰ ন’বেল বঁটা প্ৰদান কৰা হৈছে। যিহেতু একাংশ লোকে এবাৰতকৈ অধিক এই বঁটা লাভ কৰিছে। এই পৰ্যন্ত মুঠ ৯৬৭ জন ব্যক্তি আৰু ২৭ টা সংগঠনে এই বঁটা লাভ কৰিছে। ইয়াৰ ভিতৰত আমেৰিকাৰ পৰা অহা লোকৰ সংখ্যা সৰ্বাধিক, প্ৰায় ৪০ শতাংশ।
ন’বেল বঁটা বিজয়ী আমেৰিকানসকলে কি কি আৱিষ্কাৰ আৰু উদ্ভাৱন কৰিছিল, যিবোৰ সমগ্ৰ বিশ্বতে ব্যৱহাৰ হ’বলৈ আৰম্ভ কৰিছিল আৰু জীৱনৰ এক গুৰুত্বপূৰ্ণ অংগ হৈ পৰিছিল,জানক।
শান্তিৰ বাবে আমেৰিকাই প্ৰথমে ন’বেল লাভ কৰিছিল
প্ৰথম আমেৰিকান আছিল ৰাষ্ট্ৰপতি থিয়ড’ৰ ৰুজভেল্ট যিয়ে ১৯০৬ চনত শান্তিৰ ন’বেল বঁটা লাভ কৰিছিল। ৰাছিয়া আৰু জাপানৰ যুদ্ধৰ অন্ত পেলোৱাত গুৰুত্বপূৰ্ণ ভূমিকা গ্ৰহণ কৰাৰ বাবে তেওঁক এই বঁটা প্ৰদান কৰা হয়। বিজ্ঞানৰ নোবেল বঁটা লাভ কৰা প্ৰথমজন আমেৰিকান বিজ্ঞানী আছিল এলবাৰ্ট আব্ৰাহাম মাইকেলছন, যিয়ে ১৯০৭ চনত পোহৰৰ গতি জুখিব পৰা কামৰ বাবে সন্মানিত হৈছিল। বিশেষকৈ তেওঁৰ মাইকেলছন মৰ্লি পৰীক্ষা বিজ্ঞানৰ বাবে এক বৃহৎ অৱদান। পদাৰ্থ বিজ্ঞানৰ ছাত্ৰ-ছাত্ৰী আৰু গৱেষকৰ বাবে এইটো অতি গুৰুত্বপূৰ্ণ বুলি প্ৰমাণিত হ’ল। আমেৰিকাৰ বিজ্ঞানীসকলৰ আৱিষ্কাৰে ইয়াৰ বিশেষ স্থান লাভ কৰিছিল আৰু ইয়াৰ প্ৰত্যক্ষ প্ৰভাৱক সাধাৰণ মানুহৰ সমস্যাৰ সমাধান হিচাপে দেখা গৈছিল। এই কাৰণেই আমেৰিকাই ন’বেল বঁটাৰ দৌৰত আগৰণুৱা হৈ থাকিল।
BREAKING NEWS
The Royal Swedish Academy of Sciences has decided to award the 2024 #NobelPrize in Physics to John J. Hopfield and Geoffrey E. Hinton “for foundational discoveries and inventions that enable machine learning with artificial neural networks.” pic.twitter.com/94LT8opG79— The Nobel Prize (@NobelPrize) October 8, 2024
কি অনুসন্ধান কৰিছিল?
এই বছৰৰ ন’বেল বঁটা বিজয়ীসকলে আজিৰ শক্তিশালী যন্ত্ৰ শিক্ষণৰ ভেটিত থকা পদ্ধতি বিকশিত কৰিবলৈ পদাৰ্থ বিজ্ঞানৰ সঁজুলি ব্যৱহাৰ কৰে। জন হপফিল্ডে এটা সহযোগী মেমৰি সৃষ্টি কৰিছিল যি ডাটাত ফটোগ্ৰাফ আৰু অন্যান্য আৰ্হি সংৰক্ষণ আৰু পুনৰ নিৰ্মাণ কৰিব পাৰে।
আনহাতে, জেফ্ৰি হিন্টনে এটা পদ্ধতি উদ্ভাৱন কৰিছিল যি স্বয়ংক্ৰিয়ভাৱে ডাটাত থকা গুণাগুণবোৰ চিনাক্ত কৰিব পাৰে, যাৰ ফলত ই ফটোগ্ৰাফত নিৰ্দিষ্ট উপাদানবোৰ চিনাক্ত কৰিবলৈ সক্ষম হয়।
ন’বেল বিজয়ীসকলৰ গৱেষণাৰ জৰিয়তে অনুসন্ধান কৰ্কট ৰোগৰ নিৰাময়ৰ উপায়
এইবাৰ চিকিৎসা ন’বেল বঁটা লাভ কৰা চিকিৎসা বিজ্ঞানী ভিক্টৰ এম্ব্ৰ’জ আৰু গেৰী ৰুভকুনৰ আৱিষ্কাৰো অতি গুৰুত্বপূৰ্ণ। তেওঁলোকৰ আৱিষ্কাৰত কোৱা হৈছে যে মাইক্ৰ’ আৰ এন এ, জিনীয় পদাৰ্থৰ আৰ এন এৰ সৰু অংশই কোষ পৰ্যায়ত জিনৰ কাৰ্য্যকলাপ সলনি কৰাত সহায় কৰে। জিনৰ কাৰ্যকলাপ নিয়ন্ত্ৰণ আৰু জীৱৰ বিকাশত ই গুৰুত্বপূৰ্ণ ভূমিকা পালন কৰে। এতিয়া তেওঁৰ গৱেষণাই চিকিৎসা জগতখনক শৰীৰত কোষবোৰে কেনেদৰে কাম কৰে সেই কথা বুজিবলৈ সহায় কৰিছে। এই গৱেষণাৰ জৰিয়তে কৰ্কটৰ দৰে দুৰাৰোগ্য ৰোগৰ নিৰাময় বিচাৰি উলিওৱাত সহায়ক হ’ব বুলিও আশাৰ সৃষ্টি হৈছে।