জীয়াই আছে ওছামা বিন লাডেনৰ পুত্ৰ হামজা! আকৌ সাজু কৰি তুলিছে নেকি অল কায়দাক?
এক প্ৰতিবেদনত দাবী কৰা হৈছে যে সন্ত্ৰাসবাদী ওচামা বিন লাডেনৰ পুত্ৰ হামজা বিন লাডেন জীয়াই আছে। হামজাই তেওঁৰ ভাতৃ আব্দুল্লাবিন লাদেনৰ সৈতে আফগানিস্তানত লুকাই আছে আৰু অল কায়দাক সম্প্ৰসাৰণৰ পৰিকল্পনা কৰি আছে। এইটোও দাবী কৰা হৈছে যে তেওঁ বৰ্তমান আফগানিস্তানৰ কোনো ঠাইত লুকাই আছে।
জীয়াই আছে ওছামা বিন লাডেনৰ পুত্ৰ হামজা!
সন্ত্ৰাসবাদী ওছামা বিন লাডেনে ২০০১ চনৰ ১১ ছেপ্টেম্বৰত আমেৰিকাত এটা ডাঙৰ সন্ত্ৰাসবাদী আক্ৰমণ চলাইছিল। এই আক্ৰমণত ৱৰ্ল্ড ট্ৰেড চেণ্টাৰকে ধৰি আমেৰিকাৰ বহুতো উচ্চ অট্টালিকা লক্ষ্য কৰা হৈছিল। য’ত প্ৰায় ৩০০০ লোক নিহত হৈছিল। এই আক্ৰমণ আমেৰিকা আৰু সমগ্ৰ বিশ্বৰ বাবে এটা ডাঙৰ আঘাত আছিল। এই আক্ৰমণৰ মাষ্টাৰমাইণ্ড ওছামা বিন লাডেনক ২০১১ চনত পাকিস্তানৰ এবটাবাদত ইউএছ চিয়েল কমাণ্ডোসকলে হত্যা কৰিছিল। এতিয়া এটা নতুন প্ৰতিবেদন প্ৰকাশ পাইছে য’ত দাবী কৰা হৈছে যে ওছামাৰ পুত্ৰ হামজা বিন লাডেন জীয়াই আছে। যি এক নতুন সন্ত্ৰাসৰ সৃষ্টি কৰাৰ আশংকা ব্যক্ত কৰা হৈছে।
এইটোও দাবী কৰা হৈছে যে তেওঁ সন্ত্ৰাসবাদী সংগঠন অল কায়দাক পুনৰ সক্ৰিয় কৰিবলৈ চেষ্টা কৰি আছে। এই তথ্যবোৰ নেচনেল মোবিলাইজেচন ফ্ৰণ্টে প্ৰস্তুত কৰা এক প্ৰতিবেদনত দিয়া হৈছে। যি হৈছে তালিবান বিৰোধী সামৰিক সংগঠন। প্ৰতিবেদন অনুসৰি, হামজা তেওঁৰ ভাতৃ আব্দুল্লাবিন লাডেনৰ সৈতে আফগানিস্তানত আত্মগোপন কৰি আছে আৰু অল কায়দাক সম্প্ৰসাৰণৰ পৰিকল্পনা কৰি আছে।
প্ৰতিবেদনত কোৱা হৈছে যে হামজা বিন লাডেন উত্তৰ আফগানিস্তানৰ এটা গোপন স্থানত আছে, য’ত তেওঁক সুৰক্ষা দিবলৈ প্ৰায় ৪৫০জন স্নাইপাৰ মোতায়েন কৰা হৈছে। হামজাক “সন্ত্ৰাসৰ ৰাজকুমাৰ” বুলিও জনা যায়। এইটো বিশ্বাস কৰা হয় যে তেওঁ অল কায়দাক পুনৰ সক্ৰিয় কৰিবলৈ চেষ্টা কৰি আছে।
আফগানিস্তানৰ পৰা আমেৰিকাৰ সেনা প্ৰত্যাহাৰ কৰাৰ পাছৰে পৰা পৰিস্থিতি অধিক অৱনতি ঘটিছে আৰু তালিবানৰ সুৰক্ষাত সন্ত্ৰাসবাদীৰ প্ৰশিক্ষণ শিবিৰ চলি আছে। হামজা বিন লাডেন পাঞ্জশিৰৰ দ্বাৰা আব্দুল্লা খেল জিলাৰ ফালে গৈ আছে। প্ৰতিবেদনখনত এইটোও কোৱা হৈছে যে অল কায়দাৰ সন্ত্ৰাসবাদীসকলে পশ্চিমীয়া দেশসমূহক লক্ষ্য কৰাৰ পৰিকল্পনা কৰিব পাৰে।
এই তথ্য সেই সময়ৰ দাবীৰ সম্পূৰ্ণ বিপৰীত, যেতিয়া ২০১৯ চনত কোৱা হৈছিল যে হামজা বিন লাডেন আমেৰিকাৰ বিমান আক্ৰমণত নিহত হৈছিল। সেই সময়ত তেওঁক কেতিয়া আৰু ক’ত হত্যা কৰা হৈছিল সেয়া স্পষ্ট হোৱা নাছিল। হামজাই বহুতো দেশ আক্ৰমণ কৰাৰ ভাবুকি দিছিল। এতিয়া তেওঁ আকৌ এবাৰ সন্ত্ৰাসবাদৰ কাৰ্যকলাপত সক্ৰিয় হৈ পৰিছে।
হামজা বিন লাডেনৰ অস্তিত্ব আৰু অল কায়দাৰ সৈতে তেওঁৰ সম্পৰ্ক ক্ৰমবৰ্ধমানৰ বিষয়টো সমগ্ৰ বিশ্বৰ বাবে চিন্তাৰ বিষয় হৈ পৰিছে। ইয়াক সন্ত্ৰাসবাদীৰ ভাবুকি হিচাপে দেখা গৈছে।