কেৱল এজন বা দুজন নহয়, হোয়াইট হাউছৰ শীৰ্ষ পদবীত আছে বহু ভাৰতীয়
আমেৰিকাৰ ৰাজনৈতিক পৰিস্থিতিত ভাৰতীয়ৰ উপস্থিতি ক্ৰমাগতভাৱে বৃদ্ধি পাইছে। এই কথাটোৰ পৰাই অনুমান কৰিব পাৰি যে, বহু ভাৰতীয়ক ট্ৰাম্পৰ দলৰ শীৰ্ষ পদত নিযুক্তি দিয়া হৈছে।
আমেৰিকাৰ ৰাজনীতিত ভাৰতীয় মূলৰ লোকৰ উপস্থিতি ক্ৰমাগতভাৱে বৃদ্ধি পাইছে। প্ৰাক্তন ৰাষ্ট্ৰপতি জো বাইডেনৰ কাৰ্যকালত ১৩০ জনতকৈ অধিক ভাৰতীয়-আমেৰিকান লোকে বিভিন্ন উচ্চ পদবীত অধিষ্ঠিত হৈছিল। এতিয়া ড’নাল্ড ট্ৰাম্পৰ দ্বিতীয় কাৰ্যকালতো ভাৰতীয় সমাজৰ একাংশ বিশিষ্ট মুখে হোয়াইট হাউছত নিজৰ স্থান দখল কৰিছে।
কিন্তু এইবাৰ ভাৰতীয় মূলৰ লোকৰ সংখ্যা কম হোৱা সন্দৰ্ভতো কিছু অসন্তুষ্টিও প্ৰকাশ কৰিছে। ইয়াৰ পিছতো কিছুমান প্ৰভাৱশালী ভাৰতীয়-আমেৰিকান ব্যক্তিক গুৰুত্বপূৰ্ণ পদত নিযুক্তি দিয়া হৈছে। ভাৰতীয় মূলৰ এই নতুন বিষয়াৰ দলটোৱে অনাগত বছৰবোৰত আমেৰিকাৰ ৰাজনীতি আৰু প্ৰশাসনত গুৰুত্বপূৰ্ণ ভূমিকা গ্ৰহণ কৰিবলৈ সাজু। এই নামবোৰ চাওঁ আহক।
হোয়াইট হাউছত ভাৰতীয়-আমেৰিকানৰ মুখ
ৰিকি গিল- ৰিকি গিলক ৰাষ্ট্ৰীয় নিৰাপত্তা পৰিষদত দক্ষিণ আৰু মধ্য এছিয়া বিষয়ৰ জ্যেষ্ঠ সঞ্চালক নিযুক্তি দিয়া হৈছে। ইয়াৰ পূৰ্বে তেওঁ ট্ৰাম্প প্ৰশাসনৰ ইউৰোপীয় আৰু ৰাছিয়ান পৰিক্ৰমাৰ সঞ্চালক আছিল। ২০১৭ চনৰ পৰা ২০২০ চনৰ ভিতৰত তেওঁ ষ্টেট ডিপাৰ্টমেণ্টৰ জ্যেষ্ঠ উপদেষ্টা হিচাপেও কাৰ্যনিৰ্বাহ কৰিছিল।
সৌৰভ শৰ্মা- প্ৰশাসনিক নিযুক্তি চম্ভালি থকা হোৱাইট হাউছৰ ৰাষ্ট্ৰপতিৰ ব্যক্তিগত কাৰ্যালয়ত যোগদান কৰিছে সৌৰভ শৰ্মাই। বেংগালুৰুত জন্মগ্ৰহণ কৰা শৰ্মা ৱাশ্বিংটন ডি চিৰ ৰক্ষণশীল গোট আমেৰিকান মমেণ্টৰ সহ-প্ৰতিষ্ঠাপক আৰু সভাপতি। ২০১৯ চনত টেক্সাছ বিশ্ববিদ্যালয়ৰ পৰা জৈৱ ৰসায়ন বিজ্ঞানত স্নাতক ডিগ্ৰী লাভ কৰি টেক্সাছৰ ইয়ং কনজাৰ্ভেটিভছৰ আটাইতকৈ কনিষ্ঠ সভাপতি হিচাপে পৰিগণিত হয়।
কুশ দেশাই- কুশ দেশাইক হোৱাইট হাউছৰ যোগাযোগ দলত উপ-প্ৰেছ সচিব হিচাপে নিযুক্তি দিয়া হৈছে। সাংবাদিকতাৰ পটভূমিৰ পৰা অহা দেশাই পেনচিলভেনিয়াৰ যোগাযোগ সঞ্চালক হিচাপে কাম কৰি আহিছে। ট্ৰাম্পৰ নিৰ্বাচনী প্ৰচাৰৰ সময়ত ৰিপাব্লিকান নেচনেল কমিটীৰ যোগাযোগ বিভাগতো গুৰুত্বপূৰ্ণ ভূমিকা পালন কৰিছিল।
এই দুটা ডাঙৰ নামো ট্ৰাম্পৰ দলত অন্তৰ্ভুক্ত
জয় ভট্টাচাৰ্য- ড’নাল্ড ট্ৰাম্পে ভাৰতীয় মূলৰ জয় ভট্টাচাৰ্যক নেশ্যনেল ইনষ্টিটিউট অৱ হেল্থ (এন আই এইচ)ৰ নতুন সঞ্চালক হিচাপে নিযুক্তি দিছে। কৰোনা মহামাৰীৰ মোকাবিলা সন্দৰ্ভত বাইডেন প্ৰশাসনৰ নীতিৰ সমালোচনা কৰি ভট্টাচাৰ্যই লকডাউনৰ সিদ্ধান্তক তীব্ৰ সমালোচনা কৰিছিল। ভাৰতত ইণ্ডিয়ান কাউন্সিল অৱ মেডিকেল ৰিচাৰ্চ (আইচিএমআৰ)ৰ দৰেই আমেৰিকাত এনআইএইচৰ ভূমিকাও আছে।
কাশ পেটেল- ড’নাল্ড ট্ৰাম্পে ভাৰতীয় মূলৰ কাশ্যপ ওৰফে কাশ পেটেলক ফেডাৰেল ব্যুৰো অৱ ইনভেষ্টিগেশ্যন (এফ বি আই)ৰ সঞ্চালক হিচাপে নিযুক্তি দিছে। ৪৪ বছৰীয়া কাছ পেটেলক ট্ৰাম্পৰ অন্যতম বিশ্বাসযোগ্য ব্যক্তি হিচাপে গণ্য কৰা হয়। আমেৰিকাৰ প্ৰতিৰক্ষা মন্ত্ৰালয়ৰ তথ্য অনুসৰি তেওঁ আমেৰিকাৰ ভাৰপ্ৰাপ্ত প্ৰতিৰক্ষা সচিব ক্রিষ্টোফাৰ মিলাৰৰ মুখ্য সেনাধ্যক্ষ হিচাপেও কাৰ্যনিৰ্বাহ কৰি আহিছে।
