২ মাহৰ পাছত পুনৰ আমেৰিকাৰ ৰাষ্ট্ৰপতিৰূপে শপত ল’ব ড’নাল্ড ট্ৰাম্পে, সলনি হ’ব নেকি ট্ৰাম্পৰ বিৰুদ্ধে চলি থকা গোচৰৰ প্ৰেক্ষাপট?
২০২৪ নিৰ্বাচনত জয়ী হৈ আকৌ এবাৰ ৰাষ্ট্ৰপতি হোৱাৰ পথ প্ৰশস্ত কৰিছে ড'নাল্ড ট্ৰাম্পে । ৰিপাব্লিকান নেতাজনৰ বাবে এই পদটো কেৱল ৰাজনৈতিক ক্ষেত্ৰতে নহয়, আইনী ক্ষেত্ৰতো গুৰুত্বপূৰ্ণ হ'ব। ট্ৰাম্পৰ বিৰুদ্ধে চলি থকা গোচৰসমুহৰ কি হ'ব তাক লৈ এতি চৰ্চা তীব্ৰতৰ হৈছে।
ড'নাল্ড ট্ৰাম্প
হোৱাইট হাউচলৈ উভতি আহিবলৈ সাজু হৈছে ড’নাল্ড ট্ৰাম্প। ট্ৰাম্পে ৰাষ্ট্ৰপতি পদ লৈ উভতি অহাটো কেৱল তেওঁৰ ৰাজনৈতিক কেৰিয়াৰৰ বাবেই বিশেষ নহয়, তেওঁৰ বিৰুদ্ধে চলি থকা আইনী গোচৰৰ বাবেও এক খেল পৰিৱৰ্তনকাৰী হিচাপে প্ৰতিফলিত হ’ব পাৰে। ড’নাল্ড ট্ৰাম্পে কেইবাটাও অপৰাধমূলক গোচৰৰ সন্মুখীন হৈছে। তেওঁ ৰাষ্ট্ৰপতিপদ গ্ৰহণ কৰাৰ পাছত সেই গোচৰবোৰৰ প্ৰৱণতা সলনি হোৱাৰ সম্ভাৱনা আছে।
২০২৪ নিৰ্বাচনত জয়ী হৈ আকৌ এবাৰ ৰাষ্ট্ৰপতি হোৱাৰ পথ প্ৰশস্ত কৰিছে ড’নাল্ড ট্ৰাম্পে । তেওঁ ২০২৫ চনৰ জানুৱাৰীত শপত গ্ৰহণ কৰিব। ৰিপাব্লিকান নেতাজনৰ বাবে এই পদটো কেৱল ৰাজনৈতিক ক্ষেত্ৰতে নহয়, আইনী ক্ষেত্ৰতো গুৰুত্বপূৰ্ণ হ’ব। কিয়নো ইয়ে তেওঁৰ বিৰুদ্ধে অমীমাংসিত গোচৰবোৰৰ ক্ষেত্ৰত বহুতো পৰিৱৰ্তন আনিব বুলি অনুমান কৰা হৈছে।
ট্ৰাম্পৰ বিৰুদ্ধে গোচৰ
ড’নাল্ড ট্ৰাম্পৰ বিৰুদ্ধে কেইবাটাও অপৰাধমূলক গোচৰ আছে। যাৰ ভিতৰত আটাইতকৈ ডাঙৰ অভিযোগ ২০২০ চনৰ নিৰ্বাচনৰ ফলাফল সলনি কৰাৰ চেষ্টা কৰা। ফ্লৰিডাত সংবেদনশীল নথিপত্ৰ অবৈধভাৱে জব্দ কৰা আৰু জৰ্জিয়া ৰাজ্যিক নিৰ্বাচনত হস্তক্ষেপ কৰাৰ ষড়যন্ত্ৰ ইত্যাদি। এই বিজয়ৰ পিছত, এই গোচৰবোৰ প্ৰভাৱিত হোৱাৰ সম্ভাৱনা বৃদ্ধি পাইছে, কিয়নো ট্ৰাম্পে ৰাষ্ট্ৰপতিপদৰ ক্ষমতা ব্যৱহাৰ কৰি এই গোচৰবোৰৰ গতিপথ সলনি কৰিব পাৰে
২০২০ চনৰ নিৰ্বাচনৰ ফলাফল সলনি কৰাৰ চেষ্টাৰ গোচৰ সন্দৰ্ভত তেওঁৰ আইনী টীমে ৰাষ্ট্ৰপতিপদৰ বিশেষ ক্ষমতাৰ কথা উল্লেখ কৰি গোচৰটো সমাধান কৰিবলৈ চেষ্টা কৰিব পাৰে। একে সময়তে, তেওঁৰ ওপৰত এয়াই আৰোপ লগোৱা হৈছিল যে, ৰাষ্ট্ৰপতিৰ কাৰ্যকালত তেওঁ অবৈধভাৱে বহুতো সংবেদনশীল নথিপত্ৰ নিজৰ লগত ৰাখিছিল। যি ৰাষ্ট্ৰীয় সুৰক্ষাৰ বাবে ভাবুকিস্বৰূপ হ’ব পাৰে। এই ক্ষেত্ৰত তেওঁ ৰাষ্ট্ৰপতি পদৰ বিশেষ ক্ষমতা ব্যৱহাৰ কৰি সকাহ পাব পাৰে।
ৰাষ্ট্ৰপতি হোৱাৰ পিছত ড’নাল্ড ট্ৰাম্পৰ ওচৰত এনে কিছুমান অধিকাৰ থাকিব যিয়ে তেওঁৰ বিৰুদ্ধে চলি থকা গোচৰ দুৰ্বল কৰিব পাৰে। ইয়াৰ ভিতৰত এটা হৈছে ‘কাৰ্যবাহী বিশেষাধিকাৰ’ (executive privilege), যাৰ জৰিয়তে ৰাষ্ট্ৰপতিয়ে সাক্ষ্য দিবলৈ অস্বীকাৰ কৰিব পাৰে। ট্ৰাম্পে কিছুমান ক্ষেত্ৰত আইনী সুৰক্ষাও লাভ কৰিব পাৰিব। যেনে গোচৰৰ গতি হ্ৰাস বা পৰিৱৰ্তন কৰাৰ অধিকাৰ।
ইয়াৰ উপৰিও, ট্ৰাম্পৰ বিৰুদ্ধে বহুতো অসামৰিক গোচৰ চলি আছে। এতিয়া এই বিষবোৰৰ প্ৰেক্ষাপট সলনি হ’ব বুলি আশা কৰা হৈছে। যদিও কিছুমানৰ ক্ষেত্ৰত আইনী প্ৰক্ৰিয়া লেহেম হ’ব পাৰে, কিছুমানত তেওঁলোকে সম্পূৰ্ণ সকাহ পাব পাৰে। অৱশ্যে, এই ক্ষেত্ৰত ন্যায়পালিকা আৰু বিচাৰকসকলে ট্ৰাম্পৰ বিৰুদ্ধে কেনেদৰে স্থিতি লয় তাৰ ওপৰত নিৰ্ভৰ কৰিব।