নাবালিকাৰ সৈতে জঘন্য কাণ্ড! ৩১ বছৰীয়া ভাৰতীয় যুৱকক কাৰাদণ্ড বিহিলে আমেৰিকাৰ আদালতে

ভাৰতৰ এজন ৩১ বছৰীয়া ৩৫ বছৰৰ কাৰাদণ্ডৰ শাস্তি প্ৰদান কৰিছে আমেৰিকাই। তেওঁ এনে অপৰাধ কৰিছে যে শুনিলে আপুনি লাজ পাব। হয়তো এজন ভাৰতীয় হিচাপে মূৰ তল কৰিবলৈ বাধ্য হ’ব! আচলতে এই লজ্জাজনক কাম কৰা ব্যক্তিজনৰ নাম হৈছে ছাই কুমাৰ কুৰেমুলা। কুৰেমুলাই ইমিগ্ৰেণ্ট ভিছাত ওকলাহোমাৰ এডমণ্ডত থাকে। কুৰেমুলাৰ বিৰুদ্ধে ছ’চিয়েল মিডিয়া এপৰ জৰিয়তে নাবালিকাক লক্ষ্য কৰি লোৱা কৰাৰ লগতে যৌন শোষণৰ  অভিযোগ উত্থাপন হৈছে। তেওঁ নিজেই তিনি নাবালিকাৰ ওপৰত যৌন নিৰ্যাতন কৰাৰ লগতে শিশু পৰ্ণগ্ৰাফী শ্বেয়াৰ কৰাৰ কথা স্বীকাৰ কৰিছে।

লগতে স্বীকাৰ কৰিছে যে, তেওঁ কোৱা কথা মনাবলৈ নাবালিকাক ভাবুকিও প্ৰদান কৰিছে। শিশু পৰ্ণগ্ৰাফী আনৰ লগত শ্বেয়াৰ কৰিছিল অভিযুক্ত যুৱকজনে। ভুক্তভোগীৰ আস্থা লাভ কৰিবলৈ তেওঁ নিজকে কম বয়সৰ (১৩-১৫ বছৰ) বুলি পৰিচয় দিছিল। তেওঁৰ অনুৰোধ নাকচ পাছত তেওঁ নাবালিকাক ভাবুকি প্ৰদান কৰিছিল। ইয়াৰ বাবে তাত থকা কেন্দ্ৰীয় কাৰাগাৰে নাবালিকাৰ ওপৰত যৌন নিৰ্যাতন আৰু শিশু পৰ্ণগ্ৰাফী শ্বেয়াৰ কৰাৰ অভিযোগত তেওঁক ৪২০ মাহৰ কাৰাদণ্ড বিহে। আমেৰিকাৰ এটৰ্নী ৰবাৰ্ট ট্ৰষ্টাৰে দিছে এই তথ্য।

শাস্তি ঘোষণা কৰি আমেৰিকাৰ জিলা ন্যায়াধীশ চাৰ্লছ গুডউইনে কয় যে,  সমাজে বিবেটনা কৰা আটাইতকৈ গুৰুতৰ অপৰাধসমূহৰ ভিতৰত এয়া অন্যতম। কুৰেমুলাই ভুক্তভোগীসকলক এনে আঘাতৰ সন্মুখীন কৰাইছে যিয়ে গোটেই জীৱন তেওঁৰ আৰু তেওঁলোকৰ পৰিয়ালত প্ৰতিধ্বনিত হ’ব।

বিগত বছৰৰ এপ্ৰিল মাহত কুৰেমুলাৰ বিৰুদ্ধে নাবালিকাৰ ওপৰত যৌন নিৰ্যাতন আৰু শিশু পৰ্ণগ্ৰাফী শ্বেয়াৰ কৰাৰ অভিযোগ উত্থাপন হৈছিল। যি তিনিগৰাকী কন্যাৰ সৈতে তেওঁ এই নিৰ্লজ্জ কৰ্ম কথা স্বীকাৰ কৰিছিল, তাৰ ভিতৰত তেওঁ এগৰাকীক ভাবুকি দিছিল যে যদি তেওঁ কাৰোবাক এই বিষয়ে কিবা কয় তেন্তে তেওঁৰ ফটো পিতৃ-মাতৃক দেখুৱাব। লগতে তেওঁ ভুক্তভোগী পৰিয়ালৰ লোকক হুংকাৰ দিয়ে যে তেওঁ ফটো আৰু ভিডিঅ’সমূহ ৰাজহুৱা কৰিব।