শপত গ্ৰহণৰ পূৰ্বে আমেৰিকাত ট্ৰাম্পৰ বিৰুদ্ধে প্ৰতিবাদ, কিয় ৰাজপথলৈ ওলাই আহিল হাজাৰ হাজাৰ লোক?

নৱনিৰ্বাচিত ৰাষ্ট্ৰপতি ড’নাল্ড ট্ৰাম্পে সোমবাৰে আমেৰিকা যুক্তৰাষ্ট্ৰৰ ৪৭তম ৰাষ্ট্ৰপতি হিচাপে শপত গ্ৰহণ কৰিব। ৱাশ্বিংটন ডিচিত অনুষ্ঠিত হ’ব ট্ৰাম্পৰ শপত গ্ৰহণ অনুষ্ঠান । ৫ নৱেম্বৰত নিৰ্বাচনৰ ফলাফলৰ পিছৰে পৰা, মহিলা অধিকাৰৰ বাবে মাত মাতি সংগঠনবোৰে উদ্বেগ প্ৰকাশ কৰিছে যে ট্ৰাম্পৰ কাৰ্যকালত মহিলা বিৰোধী আইন প্ৰণয়ন কৰাৰ সম্ভাৱনা আছে। মহিলাৰ প্ৰজনন অধিকাৰ  (Abortion)  আৰু অন্যান্য বিষয়ক লৈ বাবে শনিবাৰে দেশখনৰ ৰাজধানীত হাজাৰ হাজাৰ আমেৰিকানে ৰেলী প্ৰদৰ্শন কৰে।

তেওঁলোকে ভাৱে যে, ট্ৰাম্পৰ আগন্তুক প্ৰশাসন তেওঁলোকৰ বাবে বিপদজনক। ট্ৰাম্পৰ প্ৰথম কাৰ্যকালৰ আৰম্ভণিতে ঐতিহাসিক মহিলা মাৰ্চৰ আঠ বছৰ পিছত এই পদযাত্ৰা উলিওৱা হৈছে। প্ৰতিবাদকাৰীসকলে কয় যে তেওঁলোক ট্ৰাম্পৰ জয়ৰ বাবে আচৰিত হৈছে। এতিয়া দেখুৱাবলৈ সংকল্পবদ্ধ যে গৰ্ভপাতৰ বাবে মহিলাৰ অধিকাৰ, ট্ৰেন্সজেণ্ডাৰ লোকসকলৰ বাবে, জলবায়ু পৰিৱৰ্তন আৰু অন্যান্য বিষয়ৰ বিৰুদ্ধে যুঁজ দিয়াৰ ক্ষেত্ৰত তেওঁলোকৰ সমৰ্থন শক্তিশালী হৈ আছে।

এই পদযাত্ৰা একমাত্ৰ নহয় – ই গৰ্ভপাতৰ অধিকাৰ, প্ৰব্ৰজনকাৰীৰ অধিকাৰ আৰু ইজৰাইল-হামাছৰ যুদ্ধৰ ওপৰত কেন্দ্ৰীভূত কেইবাটাও প্ৰতিবাদ, সমদল আৰু সজাগতাৰ ভিতৰত এটা, যাৰ পৰিকল্পনা সোমবাৰে শপল গ্ৰহণৰ পূৰ্বে কৰা হৈছিল। সমগ্ৰ দেশৰ ৰাজ্যসমূহত এনেধৰণৰ ৩৫০তকৈও অধিক পদযাত্ৰা প্ৰদৰ্শন কৰা হৈছে।

কোনেও ট্ৰাম্পক সমৰ্থন নকৰে

মাৰ্চত অহা পেৰিছে AFP ক কৈছিল: “আটাইতকৈ গুৰুত্বপূৰ্ণ কথাটো হ’ল, মই আমাৰ গণতন্ত্ৰৰ স্থিতি সম্পৰ্কে নিজৰ ভয় দেখুৱাবলৈ আহিছোঁ।”  তেওঁ কয় যে বিশ্বই জানিব লাগিব যে আধা সংখ্যক আমেৰিকান ভোটাৰে ট্ৰাম্পক সমৰ্থন নকৰে।

উল্লেখ্য যে, ২০১৬ চনত ট্ৰাম্পৰ ৰাষ্ট্ৰপতি হোৱাত ক্ষুব্ধ মহিলাসকলে ২০১৭ চনত দেশৰ কেইবাখনো চহৰত সমদল উলিয়াইছিল। যাৰ ফলত মহিলা মাৰ্চ নামেৰে জনাজাত এক তৃণমূল আন্দোলনৰ ভিত্তি স্থাপন কৰা হৈছিল। কেৱল ৱাশ্বিংটন ৰেলীতে ৫,০০,০০০ তকৈও অধিক লোক উপস্থিত আছিল। এয়া আমেৰিকা যুক্তৰাষ্ট্ৰৰ ইতিহাসৰ সৰ্ববৃহৎ এদিনীয়া প্ৰদৰ্শনৰ ভিতৰত এটা আছিল। য’ত লাখ লাখ লোকে সমগ্ৰ দেশজুৰি সমদল কৰিছিল।