বনজুইত বিধ্বস্ত আমেৰিকা! জুইৰ গ্ৰাসত ১৬০০০ একৰ ভূমি, ৩০ হাজাৰ লোক গৃহহীন, ধ্বংসস্তূপত পৰিণত ১৫০০ অট্টালিকা

আমেৰিকাৰ কেলিফৰ্ণিয়াৰ লছ এঞ্জেলছৰ ওচৰৰ জংঘলত লগা জুয়ে বৰ্তমান সময়ত লৈছে ভয়ংকৰ ৰূপ। এই জুইৰ ফলত এতিয়ালৈকে ৫জন লোকৰ মৃত্যু হৈছে। ইয়াৰ উপৰিও ৩০,০০০ লোকে তেওঁলোকৰ ঘৰ এৰিব লগা হৈছে।  এই জুইৰ কবলত পৰিছে হাজাৰ হাজাৰ অট্টালিকা । জানিব পৰা মতে প্ৰথমে প্ৰশান্ত মহাসাগৰীয় পালিচাডেছ, ইটন আৰু হাৰ্ষ্টৰ জংঘলত জুইৰ সূত্ৰপাত হৈছিল। তাৰ পিছত আৱাসিক এলেকালৈ বিয়পিবলৈ আৰম্ভ কৰিছিল। এই জুইৰ ফলত কিমান ক্ষতি হৈছে সামগ্ৰীকভাৱে জানো আহক…

• কেলিফৰ্ণিয়াৰ জংঘলত লগা এই জুই ইতিহাসৰ আটাইতকৈ ডাঙৰ জুই বুলি প্ৰমাণিত হ’ব পাৰে। এই জুইৰ নিৰ্বাপন আৰু ইয়াৰ পৰৱৰ্তী সময়ৰ খৰচ বিলিয়ন ডলাৰলৈ যোৱা সম্ভাৱনা আছে। যাৰ বাবে ট্ৰাম্পে ইয়াক আটাইতকৈ ব্যয়বহুল জুই বুলি বৰ্ণনা কৰিছে।
• এই জুইৰ ফলত লাখ লাখ লোক ক্ষতিগ্ৰস্ত হৈছে। ৩০ হাজাৰ লোকে ঘৰ এৰিব লগা হৈছে আৰু বহু লোকক সুৰক্ষিত স্থানলৈ স্থানান্তৰ কৰা হৈছে। লগতে ৫০ হাজাৰ লোকক ঘৰ খালি কৰিবলৈ নিৰ্দেশ দিয়া হৈছে। সম্পূৰ্ণৰূপে জ্বলি গৈছে মানুহৰ ঘৰুৱা সামগ্ৰী।  জুই ইমানে তীব্ৰ গতিত বিয়পিছিল যে বহুলোকে ঘৰৰ পৰা বস্তুবোৰ উলিয়াবলৈও সময় পোৱা নাছিল। জুইৰ ফলত ১,৫০০তকৈও অধিক অট্টালিকা ধ্বংসস্তূপত পৰিণত হৈছে।
• প্ৰশান্ত মহাসাগৰীয় পালিচাডেছৰ জংঘলত দ্ৰুতগতিত বিয়পি পৰিছে জুই। কেলিফৰ্ণিয়াৰ পাচাডেনা চহৰত সংঘটিত জুইত এটা ইহুদী প্ৰাৰ্থনা গৃহ জ্বলি গৈছিল। এই জুইৰ ফলত বেংক অফ আমেৰিকা জ্বলি যোৱাৰ খবৰও পোৱা গৈছে। হেলিকপ্টাৰেৰে পানী চতিয়াই জুই নুমুৱাবলৈ চেষ্টা কৰা হৈছে।
• সংবাদ মাধ্যমৰ বাতৰি অনুসৰি, এতিয়ালৈকে এই জুয়ে ১৬,০০০ একৰতকৈও অধিক ভূমি আৱৰি ধৰিছে। যাৰ ফলত ক্ষতি হৈছে প্ৰায় বিলিয়ন ডলাৰৰ। এতিয়ালৈকে, কেলিফৰ্ণিয়াত প্ৰায় ২০ বাৰকৈ জুই লাগিছে। কেৱল ২০২০ চনতে ৫ বাৰকৈ জুই লাগিছিল।
• এই জুইয়ে এতিয়া  প্ৰভাৱিত কৰিছে বিমানসমূহকো। এফএএ-য়ে লছ এঞ্জেলছৰ জুইৰ ওচৰত বিমান চলাচল নিষিদ্ধ কৰিছে। ইয়াৰ কাৰণ হৈছে  বহুত উচ্চতালৈ উঠিছে জুইৰ শিখা।
• লছ এঞ্জেলছৰ এই ভয়ংকৰ জুইত বেয়াকৈ প্ৰভাৱিত হৈছে বহুতো হলিউড তাৰকাও । অৱশ্যে তেওঁলোকক সুৰক্ষিত স্থানলৈ প্ৰেৰণ কৰা হৈছে। এতিয়া তেওঁলোকে আশংকা কৰিছে যে যদিও ঘৰটো খালি কৰা হৈছে, কিন্তু এই জুইত তেওঁলোকৰ মিলিয়ন ডলাৰৰ ঘৰটো  ৰক্ষা হ’ব নে নাই।
• কেলিফৰ্ণিয়াৰ জুয়ে আৱৰি পেলাইছে পালিচাডেছৰ ৩ খন বিদ্যালয়। ইয়াৰ ফলত কিছুমান বিদ্যালয় জ্বলি গৈছে আৰু কিছুমান বেয়াকৈ প্ৰভাৱিত হৈছে। যিবোৰ ঠিক কৰিবলৈ বহুত খৰচ হ’ব।
• এই জুইয়ে প্ৰভাৱিত কৰিছে নাছাকো। সোমবাৰৰ লৈকে বন্ধ ৰখা হৈছে নাছাৰ জেট প্ৰপালচন লেবৰেটৰী । ইয়াৰ বাবে বহুতো কাম বিলম্বন হ’ব, যিবোৰৰ ওপৰত দীৰ্ঘদিন ধৰি কাম চলি আছিল।
• এই জুয়ে প্ৰশান্ত মহাসাগৰীয় পালিচাডেছত আটাইতকৈ বেছি ধ্বংসৰ সৃষ্টি কৰিছে। য’ত প্ৰতি মিনিটত ৫ খন ফুটবল খেলপথাৰৰ সমতুল্য অঞ্চল জুয়ে গ্ৰাস কৰিছে। আমেৰিকাৰ আটাইতকৈ জনবহুল এলেকা হৈছে কাউণ্টি।
• সংবাদ মাধ্যমৰ বাতৰি অনুসৰি, ৰাতিপুৱা লৈকে লছ এঞ্জেলছ কাউণ্টিত কমেও ১৫ লাখ লোকৰ ঘৰত এতিয়াও বিদ্যুৎ বিচ্ছিন্ন হৈ আছে। অগ্নি নিৰ্বাপক বেটেলিয়নৰ মুৰব্বীয়ে কয় যে তীব্ৰ বতাহৰ বাবে কৰ্মচাৰীসকলে জুই নিয়ন্ত্ৰণ কৰিবলৈ সক্ষম হোৱা নাই।