এগৰাকী দুগৰাকী নহয়, ৫০ গৰাকী! এইজন PHD ছাত্ৰৰ কাণ্ডই চকু কঁপালত তুলিব আপোনাৰ…

অপৰাধীৰ কোনো ধৰ্ম নাথাকে। অপৰাধ এক মানসিক বিকৃতি। আধুনিক সমাজত দিনক দিনে মানুহৰ মাজত বৃদ্ধি পাইছে অপৰাধ প্ৰৱণতা। হত্যা, ধৰ্ষণ, লুণ্ঠন আদিৰ দৰে ঘটনাই চিন্তিত কৰে সচেতন সমাজক। বিশেষকৈ নাৰীজনিত অপৰাধমূল ঘটনাসমূহ সমগ্ৰ বিশ্বতে দেখিবলৈ পোৱা যায়।  শেহতীয়াকৈ এনে এক ঘটনা পোহৰলৈ আহিছে। এজন অপৰাধীয়ে  একাংশ মহিলাৰ মাজত ত্ৰাসৰ সৃষ্টি কৰিছে। যিয়ে কেৱল এগৰাকী দুগৰাকী নহয় ৫০ তকৈ অধিক মহিলাৰ সৈতে অপৰাধ সংঘটিত কৰিছে।

অপৰাধ সংঘটিত কৰা যুৱকজনে প্ৰথমে যুৱতীৰ বিশ্বাস জয় কৰে, পৰৱৰ্তী সময় নিচাযুক্ত দ্ৰব্যৰ ব্যৱহাৰ কৰি নৃশংস কাণ্ড সংঘটিত কৰে। বহু মহিলা এই যুৱকজনৰ জালত পৰিছিল, তাৰ পাছতো কোনোৱে তেওঁৰ বিৰুদ্ধে ক’বলৈ সাহস কৰা নাছিল। কিন্তু শেহতীয়াকৈ লণ্ডনত দোষী সাব্যস্ত হোৱা চীনৰ পি এইচ ডি ছাত্ৰ জেনহাও ঝৌন হাও ঝৌইৰ অপৰাধৰ কাণ্ড পোহৰলৈ আহিছে।  প্ৰথম অৱস্থাত অভিযুক্তৰ সংখ্যা ১০-২০ বুলি ধৰা হৈছিল। কিন্তু শেহতীয়াকৈ আৰক্ষীৰ তদন্ত পোহৰলৈ আহে যে এই যুৱকজনে ৫০ গৰাকীতকৈ অধিক মহিলাৰ সৈতে অপৰাধ সংঘটিত কৰিছে। ইয়াৰে একাংশ মহিলা চীন আৰু একাংশ লণ্ডনৰ। প্ৰায় ২৩ গৰাকী মহিলা তেওঁৰ বিৰুদ্ধে অভিযোগ দাখিল কৰিছে।

কেনেকৈ কৰিছিল অপৰাধ

যুৱকজনৰ কাণ্ড কেৱল লণ্ডনতে সীমাবদ্ধ নাছিল। তেওঁৰ জালত চীনৰো একাংশ যুৱতী পৰিছিল। এই সন্দৰ্ভত শেহতীয়াকৈ ভুক্তভোগী দুই মহিলাই বিবিচি ৱৰ্ল্ড চাৰ্ভিচৰ সৈতে নিজৰ কাহিনী শ্বেয়াৰ কৰে। এগৰাকী মহিলাই কয় যে, ঝৌৱে তেওঁক ড্ৰাগছ সেৱন কৰাইছিল আৰু চীনত ধৰ্ষণ কৰিছিল। ইয়াৰ বিপৰীতে দ্বিতীয়গৰাকী মহিলাই কয় যে,লণ্ডনত তেওঁ যুৱকজনক লগ পাইছিল। এদিন তেওঁ যুৱতীগৰাকীক অচেতন কৰিছিল। যেতিয়া চেতনা ঘূৰি আহিছিল তেতিয়া সকলো গ’ম পাইছিল। যুৱকজনে যুৱতীগৰাকীৰ ধৰ্ষণ কৰাৰ লগতে ভিডিঅ’ প্ৰস্তুত কৰিছিল।

এই সমগ্ৰ ঘটনাৰ আচৰিত দিশটো এয়াই যে যুৱকজনে ইমান সংখ্যক যুৱতীৰ লগত অপৰাধ সংঘটিত কৰাৰ পাছতো কোনোলে অভিযোগ দাখিল কৰা নাছিল। এগৰাকী ভুক্তভোগীয়ে কয় যে ২০২১ চনত লণ্ডনত ঝৌৱে তেওঁক ধৰ্ষণ কৰিছিল কিন্তু তেওঁ জানিব পৰা নাছিল যে কেনেকৈ অভিযোগ দাখিল কৰিব। আন এগৰাকী মহিলাই জনোৱা মতে, যুৱকজনে তেওঁক নিজেই কৈছিল যে তেওঁক নিচাসক্ত দ্ৰব্য দি ধৰ্ষণ কৰিছিল।

মেট্ৰ’পলিটান আৰক্ষী বিষয়া কেভিন চাউথৱৰ্থে কয় যে,  ঝৌৰ বিৰুদ্ধে আৰু অধিক গোচৰ ৰুজু হ’ব পাৰে। আৰক্ষীয়ে ঝৌৱে নিজেই ৰেকৰ্ড কৰা ভিডিঅ’ বিচাৰি পাইছে য’ত কেইবাগৰাকীও মহিলাক মদ্যপান কৰি শোষণ কৰা দেখা গৈছে। লণ্ডন আৰক্ষীয়ে চীন কৰ্তৃপক্ষৰ সৈতে কাম কৰি আছে। পৰৱৰ্তী সময়ত এই কাণ্ডৰ আৰু অধিক তথ্য পোহৰলৈ আহিব পাৰে।